दूरसञ्चार सेवालाई प्रभावकारी बनाउन दूरसञ्चार विधेयक तर्जुमा गर्ने सरकारको घोषणा

प्रविधि

गृहपृष्ठ
प्रविधि

दूरसञ्चार सेवालाई प्रभावकारी बनाउन दूरसञ्चार विधेयक तर्जुमा गर्ने सरकारको घोषणा

क्यापिटल नेपालशुक्रबार, जेठ ५, २०८०

काठमाडौं। सरकारले दूरसञ्चार सेवालाई थप गुणस्तर, प्रभावकारी र प्रतिस्पर्धी बनाउन नयाँ दूरसञ्चार विधेयक तर्जुमा गर्ने घोषणा गरेको छ।

राष्ट्रपति रामचन्द्र पाडैलले शुक्रबार सार्वजनिक गरेको सरकारको नीति तथा कार्यक्रममा यस्तो घोषणा गरेका हुन्।

‘दूरसञ्चार सेवालाई थप गुणस्तर, प्रभावकारी र प्रतिस्पर्धी बनाउन नयाँ दूरसञ्चार विधेयक तर्जुमा गरिनेछ,’ नीति तथा कार्यक्रममा भनिएको छ, ‘दूरसञ्चार पूर्वाधारको निर्माण र प्रयोगमा रहेको दोहोरोपन हटाउन दूरसञ्चार पूर्वधारको सहप्रयोगलाई प्रोत्साहन गरिनेछ।’

त्यस्तै सरकारले नीति तथा कार्यक्रम मार्फत् डिजिटल नेपाल फ्रेमवर्कलाई समसामयिक परिमार्जन गरी प्रभावकारी कार्यान्वयन गरिने घोषणा गरेको छ। साथै सरकारले पठाओ–इनड्राइभरजस्ता राइड सेयरिङ सेवा प्रदायक कम्पनीहरूलाई नियमनमा ल्याउने पनि जनाएको छ।

निजी तवरमा सार्वजनिक यातायात प्रदान गर्दै आएका राइड सेयरिङका लागि आवश्यक कानूनी व्यवस्था गरिने जनाइएको छ।

प्रकाशित मिति: शुक्रबार, जेठ ५, २०८० १७:२८

प्रतिक्रिया दिनुहोस्