सूचना तथा सञ्चार प्रविधि विकास समिति सभापतिमा वेगानी चयन

प्रविधि

गृहपृष्ठ
प्रविधि

सूचना तथा सञ्चार प्रविधि विकास समिति सभापतिमा वेगानी चयन

क्यापिटल नेपालबिहीबार, जेठ ४, २०८०

काठमाडौं। नेपाल उद्योग वाणिज्य महासंघको सूचना तथा सञ्चार प्रविधि विकास समितिमा शक्तिकुमार वेगानी चयन भएका छन। महासंघका अध्यक्ष चन्द्रप्रसाद ढकालले महासंघको विधान बमोजिम वेगानीलाई उक्त समितिको सभापतिमा चयन गरेका हुन्।

सूचना तथा प्रविधि क्षेत्रमा जानकार रहेका उनी मुलुकको प्रतिष्ठित व्यापारिक घरानाभित्र पर्छन्। दुईपटक महासंघको कार्यकारिणी सदस्यमा निर्वाचित उनी श्री गणपति ज्वलेर्सका अध्यक्ष र वेगानी ग्रुपका प्रबन्ध निर्देशक हुन्। उनी हाल एक दर्जन बढी व्यावसायमा संलग्न छन।

‘मेरो कार्यकालमा सूचना तथा सञ्चार प्रविधि उच्चतम प्रयोगमा ल्याइनेछ,’ उनले भने, ‘यसको अधिकतम विकासलाई लागि मेरो समितिले अहम भूमिका खेल्नेछ।’ यसअघि महासंघको बैंक फाइनान्स तथा इन्स्याेरेन्स समितिको उपाध्यक्ष भई उनले सफल कार्यकाल पुरा गरिसकेका छन।

मनोनयको प्रमाणपत्र वितरण गदै महासंघ अध्यक्ष ढकालले अहिलेको अवस्थामा सूचना तथा सञ्चार प्रविधि विकास समितिको सभापतिमा वेगानीको चयनसँगै सूचना प्रविधि क्षेत्रको अधिकतम प्रयोगसहित महासंघको छवी र प्रतिष्ठालाई अझ बढी सशक्त्तरूपमा अघि बढाउन सहयोग पुग्ने दाबी गरे।

प्रकाशित मिति: बिहीबार, जेठ ४, २०८० ११:०६

प्रतिक्रिया दिनुहोस्