काठमाडौं। हामी धेरैले लगानी अभाव तथा व्यक्त गर्ने प्लेटफर्म नभएका कारण आफ्ना सयौं प्रतिभा र सीप प्रस्तुत गर्न पाएका हुँदैनौं। लगानी गर्न नसकेका कारण आर्थिक उपार्जनका गतिविधिमा सहभागी हुन नसकेका उदाहरण प्रशस्त छन्।
तर, कतिपय यस्ता व्यवसाय छन्, जहाँ हामीले कुनै लगानीबिना वा एकदमै थोरै लगानीमा आफ्ना प्रतिभा प्रष्फुटन गर्दै आर्थिक उपार्जनका क्रियाकलापमा भाग लिन सक्छौं। यहाँ त्यस्ता केही व्यावसायिक आइडिया र प्लेटफर्मबारे जानकारी दिइएको छ :
१. फ्रिल्यान्स सर्भिस : हामीले अपवर्क, फिभर र फ्रिल्यान्सजस्ता प्लेटफर्ममा लेखन, ग्राफिक डिजाइन, वेब डेभलपमेन्ट, सामाजिक सञ्जाल व्यवस्थापन, भर्चुअल सहायता वा परामर्शजस्ता क्रियाकलाप गर्न सक्छौं। यी प्लेटफर्ममा यस्ता क्रियाकलाप गर्दा आफ्ना सीप बिनालगानी प्रस्तुत गर्न सक्छौं भने आर्थिकरूपमा आम्दानी पनि गर्न सक्छौं।
२. अनलाइन ट्युटरिङ : यदि तपाईंसँग कुनै विशेष विषयमा ज्ञान छ भने अनलाइन ट्युटरिङ उपयुक्त प्लेटफर्म हुन सक्छ। तपाईंसँग कुनै विशेष विषयमा आइडिया भएको खण्डमा ट्युटर डटकम (त्गतयच।अयm) र चेज ट्युटर्स ( ऋजभनन त्गतयचक) मा आफ्नो आइडिया प्रस्तुत गर्न सक्नुहुन्छ। यी प्लेटफर्मले विभिन्न विषयका शिक्षक तथा विद्यार्थीलाई जोड्ने काम गर्छ।
३. ड्रपसिपिङ : तपाईंले स्टक इन्भेन्टरीबिना ई–कमर्स स्टोर सुरु गर्न सक्नुहुन्छ। तपाईंले ड्रपसिपिङमा उत्पादन, भण्डारण र ढुवानी ह्यान्डल गर्ने आपूर्तिकर्ताहरूसँग साझेदारी गर्नसक्नुहुन्छ। यस्तो गरेको खण्डमा ग्राहकले सिधै खरिद गर्छन्, जसबाट व्यवसायिकता प्राप्त गर्न सकिन्छ।
४. सामग्री सिर्जना : यदि तपाईंसँग सामग्री सिर्जना गर्ने कला छ भने व्यवसाय गर्न सक्नुहुन्छ। यस्ता सामग्री सिर्जना गर्न सकेको खण्डमा तपाईंले ब्लग बनाउने, युट्युब च्यानल सञ्चालन गर्ने वा पडकास्ट सुरु गर्न सक्नुहुन्छ। यसमा मद्रीकरण विज्ञापन, प्रायोजन वा उत्पादनजस्ता आम्दानी हुने मार्ग फेला पर्न सक्छन्।
५. व्यक्तिगत प्रशिक्षण वा कोचिङ : यदि तपाईंसँग फिटनेस, कल्याण वा व्यक्तिगत विकासमा विशेषज्ञता छ भने तपाईंले व्यक्तिगत प्रशिक्षण वा कोचिङ सेवा अनलाइन प्लेटफर्मबाट प्रस्ताव गर्न सक्नुहुन्छ।
६. सामाजिक मिडिया व्यवस्थापन : धेरै व्यवसायलाई उनीहरूको सामाजिक सञ्जाल खाता व्यवस्थापन गर्न मद्दत चाहिन्छ। तपाईंसँग यस्ता कार्य गर्ने सीप छ भने सामग्री सिर्जना गर्न, समय तालिकाअनुसार पोस्ट र पलोअर संलग्न गराउन सके यसलाई व्यावसायिक रूप दिन सक्नुहुन्छ।
७. एप वा वेब डेभलपमेन्ट : यदि तपाईंसँग कोडिङको सीप छ भने तपाईंले ग्राहकका लागि एप वा वेबसाइट विकास गर्न सक्नुहुन्छ।
८. फोटोग्राफी : यदि तपाईंसँग फोटोग्राफीको सीप र उपकरण छन् भने विभिन्न घटना, चित्र अनलाइन प्लेटफर्ममा राखेर पनि त्यसलाई व्यवसायका रूपमा अगाडि बढाउन सक्नुहुन्छ।
(यी व्यावसायिक आइडियामा काम गर्न लगानी चाहिँदैन। तर, यसमा सफल हुन समय, प्रयास र समर्पण भने आवश्यक पर्छ।)
