काठमाडौं। धितोपत्र बजारमा सेयर कारोबार मापक नेप्से परिसूचक आज पनि दोहोरो अंकले ओरालो लागेको छ।
नेपाल स्टक एक्सचेञ्जका अनुसार नेप्से परिसूचक १६ दशमलव ९६ अंकले ओरालो लागेर एक हजार आठ सय २१ दशमलव ६४ मा सीमित भएको छ।
ठूला कम्पनीको सेयर कारोबार मापन गर्ने सेन्सेटिभ परिसूचक तीन दशमलव ५२ अंकले ओरालो लागेर तीन सय ४९ दशमलव ५८ मा सीमित भएको छ। कारोबार भएका कूल १३ वटै उपसमूहमध्ये एक उपसमूहको शेयर मूल्यमा सामान्य वृद्धि भएको छ, भने १२ उपसमूहको शेयर मूल्यमा गिरावट आएको छ । कूल २७ लाख ८८ हजार आठ सय १५ कित्ता सेयर ९० करोड पाँच लाख ६३ हजार आठ सय ५६ रुपैयाँमा कारोबार भयो।
कारोबारका आधारमा नागरिक लगानी कोष शीर्ष स्थानमा छ। सो कम्पनीको पाँच करोड ३५ लाख ७५ हजार सात सय ८१ रुपैयाँ बराबरको कारोबार भयो। हिमालयन डिस्टिलरी चार करोड ५९ लाख ६९ हजार एक सय ८९, एनआइसी एशिया बैंक चार करोड ५७ लाख ५४ हजार सात सय चार, शिवम् सिमेन्ट तीन करोड ६० लाख ७१ हजार पाँच सय ९० र नबिल बैंक तीन करोड सात लाख ९० हजार आठ सय एक रुपैयाँबराबरको कारोबार भई शीर्ष पाँचभित्र पर्न सफल भएका छन्।
नेप्सेका अनुसार ओरालो लागेको बजारमा आत्मनिर्भर लघुवित्तको सेयर मूल्यमा १० प्रतिशतले वृद्धि भई सकारात्मक सर्किट लागेको छ। नागरिक लगानी कोष तीन दशमलव ९३, मिथिला लघुवित्त तीन दशमलब ८६, बाराही हाइड्रोपावर तीन दशमलब ७८ र स्वाभिमान लघुवित्तको शेयर मूल्य तीन दशमलव शून्य पाँच प्रतिशतले बढेको छ।
यस्तै, राष्ट्र उत्थान लघुवित्त छ दशमलव ३७, दोर्दीखोला जलविद्युत् पाँच दशमलव ९२, हिमालयन ऊर्जा विकास कम्पनी पाँच दशमलव ७०, श्वेतगङ्गा हाइड्रोपावर पाँच दशमलव २३ र कृषि विकास बैंकको सेयर मूल्य पाँच दशमलव शून्य दुई प्रतिशतले घटेको छ ।
