नेप्सेमा सामान्य अंकको गिरावट

सेयर

गृहपृष्ठ
सेयर

नेप्सेमा सामान्य अंकको गिरावट

क्यापिटल नेपालबुधबार, वैशाख २७, २०८०

काठमाडौं। सेयर बजार आज सामान्य अंकले घटेको छ। नेपाल स्टक एक्सचेन्ज (नेप्से) परिसूचक दुई दशमलव ४३ अंकले घटेर एक हजार आठ सय ४१ दशमलव ९३ अंकमा कायम भएको हो।

आज दुई सय ६५ वटा कम्पनीको १९ लाख ४२ हजार छ सय २६ कित्ता शेयर रकम ५८ करोड ९१ लाख रुपैयाँमा कारोबार भएको छ। विभिन्न समूहको उपसूचक हेर्दा आज निर्जीवन बीमा समूह ३० दशमलव ८३ अंक र उत्पादन तथा प्रशोधन समूह २६ दशमलव ०३ अंकले बढेको छ।

त्यस्तै, वित्त समूह तीन दशमलव २६ र जलविद्युत् समूह दुई दशमलव १२ अंकले बढेको छ। सबैभन्दा धेरै होटल तथा पर्यटन समूहमा १४ दशमलव ३९ अंकको गिरावट देखिएको छ। बैंकिङ समूह दुई दशमलव ६३, विकास बैंक समूह आठ दशमलव ९०, लगानी समूह शून्य दशमलव २३ र जीवन बीमा समूह नौ दशमलव २० अंकले घटेको छ।

त्यस्तै, म्युचुअल फन्ड शून्य दशमलव ०६, व्यापार समूह चार दशमलव ७४ र अन्य समूह १० दशमलव ७८ अंकले घटेको छ। हिमाल दोलखा हाइड्रोपावर कम्पनी लिमिडेडको शेयर मूल्य सबैभन्दा धेरै आठ दशमलव २४ प्रतिशतले बढेको छ भने सबैभन्दा धेरै शेयर मूल्य घट्नेमा एनसिसी डिभेन्चर २०८६ को शेयर मूल्य सात दशमलव २४ प्रतिशत छ।

कारोबार रकम र कारोबार भएको शेयर सङ्ख्याका आधारमा आज सबैभन्दा धेरै हिमाल दोलखा हाइड्रोपावर लिमिटेडको तीन करोड ५६ लाख १० हजार आठ सय ८७ रुपैयाँ बराबरको दुई लाख १९ हजार पाँच सय ५२ कित्ता शेयर किनबेच भएको छ।

प्रकाशित मिति: बुधबार, वैशाख २७, २०८० १६:०५

प्रतिक्रिया दिनुहोस्