टाटाको ‘नेक्सन ईभी म्याक्स’ मंगलबार सार्वजनिक हुँदै, यस्ता छन् आकर्षक विशेषता

प्रविधि

गृहपृष्ठ
प्रविधि

टाटाको ‘नेक्सन ईभी म्याक्स’ मंगलबार सार्वजनिक हुँदै, यस्ता छन् आकर्षक विशेषता

क्यापिटल नेपालसोमबार, वैशाख २५, २०८०

काठमाडौं। टाटा मोटर्सको नयाँ कार ‘नेक्सन ईभी म्याक्स’ नेपालमा मंगलबार सार्वजनिक हुने भएको छ।

कम्पनीले मंगलबार (भोलि) आफ्नो नयाँ कार ‘नेक्सन ईभी म्याक्स’ सार्वजनिक गर्न लागेको फेसबुक पेजमार्फत् जानकारी दिएको छ।

नेपालका लागि टाटा गाडीको आधिकारिक बिक्रेता सिप्रदी ट्रेडिङ प्रालिले सार्वजनिक गर्न लागेको ‘नेक्सन ईभी म्याक्स’ मा कनेक्टिभिटीको रूपमा स्मार्ट वाच इन्टिग्रेसन, वन क्लिक ट्रयाकर, चार्जिङ स्टेसन लोकेटर, रिमोट डायग्नोस्टिक, रिमोट कमाण्ड, जियो–फेन्सिङ, इन्ट्रजन अलर्ट र चार्ज लिमिट सेटिङजस्ता आकर्षक फिचरहरू छन्।

यो गाडी एक पटकको चार्जमा ४५३ किमी गुड्ने बताइएको छ भने यसले नौ सेकेन्डमै शून्यदेखि १०० किमि प्रति घण्टाको गति पकड्न सक्छ। यो गाडीमा मल्टी ड्राइभ मोडदेखि सुधारिएको सस्पेन्सन सिस्टमसम्मका विशेषता पनि रहेका छन्। इन्टेन्सी–टियल, प्रिस्टाइन ह्वाइट र डेटोन ग्रे गरी तीन रङमा आउने ‘नेक्सन ईभी म्याक्स’ जिपट्रोन ईभी आर्किटेक्चरमा बनेको कम्पनीले जानकारी दिएको छ।

कम्पनीले मंगलबार राती साढे ७ बजे भर्चुअल रुपमा ‘नेक्सन ईभी म्याक्स’ नेपालमा सार्वजनिक गर्ने बताएको छ। भारतीय बजारमा यस गाडीको मूल्य १६.४९ लाख भारु (करिब २६ लाख ३५ हजार रुपैयाँ) रहेको छ।

प्रकाशित मिति: सोमबार, वैशाख २५, २०८० १२:३१

प्रतिक्रिया दिनुहोस्