जेठ २६ बाट सर्वसाधारणले नागरिक दैनिकको ‘आइपिओ’ भर्न पाउने

सेयर

गृहपृष्ठ
सेयर

जेठ २६ बाट सर्वसाधारणले नागरिक दैनिकको ‘आइपिओ’ भर्न पाउने

क्यापिटल नेपालबिहीबार, वैशाख २१, २०८०

काठमाडौं। सर्वसाधारणलाई प्राथमिक सेयर (आइपिओ) निष्कासन गर्ने पहिलो मिडिया कम्पनी बनेको नागरिक दैनिकको सेयर जेठ २६ बाट भर्न पाइने भएको छ।

नागरिक प्रकाशन कम्पनी नेपाल रिपब्लिक मिडियाले वैदेशिक रोजगारीमा गएका नेपालीलाई वैशाख ३१ र सर्वसाधारणलाई जेठ २६ बाट आइपिओ निष्कासन गर्ने जनाएको छ।

कम्पनीले जारी पुँजी ९६ करोड ७६ लाख रुपैयाँको ४४.९९२२ प्रतिशत अर्थात प्रतिकित्ता १ सय रुपैयाँ अंकित मूल्यका ४३ करोड ५३ लाख रुपैयाँबराबरको आइपिओ निष्कासन गर्न लागेको हो।

सर्वसाधारणलाई छुट्ट्ययाइएको सेयरमध्ये चार प्रतिशतले हुन आउने १ लाख ७४ हजार १ सय २० कित्ता आइपिओ कर्मचारीलाई र पाँच प्रतिशत अर्थात २ लाख १७ हजार ६ सय ५० कित्ता आइपिओ सामूहिक लगानी कोषका लागि छट्ट्याइएको छ।

कम्पनीले वैदेशिक रोजगारीमा गएका नेपालीका लागि १० प्रतिशतले हुन आउने ४ लाख ३५ हजार ३ सय कित्ता आइपिओ निष्कासन गर्ने भएको छ। यो आइपिओमा वैदेशिक रोजगारीमा गएकाले जेठ १४ सम्म आवेदन दिन सक्नेछन्।

कम्पनीले सर्वसाधारणलाई ३५ लाख २५ हजार ९ सय ३० कित्ता आइपिओ निष्कासन गर्न लागेको हो। लगानीकर्ताले न्यूनतम १० देखि अधिकतम ५ सय कित्तासम्म आवेदन दिन पाउनेछन्।

कम्पनीको आइपिओ निष्कासन तथा बिक्री प्रबन्धक मेगा क्यापिटल मार्केट्स लिमिटेड तोकिएको छ। आवेदकले नेपाल धितोपत्र बोर्डबाट आस्बा सदस्य प्राप्त बैंक तथा वित्तीय संस्था र मेरो सेयर वेबसाइटमार्फत आवेदन दिन सूचनामा उल्लेख छ।

प्रकाशित मिति: बिहीबार, वैशाख २१, २०८० ११:४३

प्रतिक्रिया दिनुहोस्