पोखराबाट सिधा चीन उडानकाे व्यवस्था गर्न पर्यटन परिषदको आग्रह

पर्यटन

गृहपृष्ठ
पर्यटन

पोखराबाट सिधा चीन उडानकाे व्यवस्था गर्न पर्यटन परिषदको आग्रह

क्यापिटल नेपालमंगलबार, वैशाख १२, २०८०

काठमाडौं। चिनियाँ राजदूत चेन सोङ्गलाई भेटगरी पोखराका पर्यटन व्यवसायीहरूले पोखरा अन्तर्राष्ट्रिय विमानस्थलबाट चीनका विभिन्न सहरमा सिधा हवाई उडान गर्न आग्रह गरेका छन्।

पोखरा पर्यटन परिषद्का अध्यक्ष पोमनारायण श्रेष्ठको नेतृत्वमा गएको टोलीले आज नेपालका लागि चिनियाँ राजदूत चेन सोङ्गलाई भेटगरी पोखराबाट चीनका विभिन्न सहरमा सिधा उडान गर्ने व्यवस्था मिलाइदिन अनुरोध गरेको हो।

पोखरेली पर्यटन व्यवसायीका तर्फबाट चिनियाँ राजदूतावासको आयोजनामा जुनको २२ र २३ मा पोखराको फेवातालमा हुन लागेको ड्रागन बोट रेस फेस्टिभललाई भव्य बनाउन पनि आफूहरू प्रतिबद्ध रहेको उक्त अवसरमा जानकारी गराइएको थियो।

कोरला नाका छिटो खोल्न विशेष पहल गर्न पनि राजदूतसँग अनुरोध गरिएको पोखरा पर्यटन परिषद्का अध्यक्ष श्रेष्ठले जानकारी दिए। भेटघाटमा पोखरा महानगरपालिकाका कार्यवाहक प्रमुख मोतिराज तिमल्सिना, पोखरा उद्योग वाणिज्य संघका अध्यक्ष पवन प्रजापति, ओभरसिज चाइनिज नेपाल एसोसिएसनका अध्यक्ष, सचिव लगायतको उपस्थिति थियो।

प्रकाशित मिति: मंगलबार, वैशाख १२, २०८० १३:४८

प्रतिक्रिया दिनुहोस्