स्मार्ट मिटरमा प्रयोग गर्न नेपाल टेलिकमले प्राधिकरणलाई थप डेढ लाख ई–सिम दिने

प्रविधि

गृहपृष्ठ
प्रविधि

स्मार्ट मिटरमा प्रयोग गर्न नेपाल टेलिकमले प्राधिकरणलाई थप डेढ लाख ई–सिम दिने

क्यापिटल नेपालशुक्रबार, वैशाख ८, २०८०

काठमाडौं। नेपाल टेलिकमले नेपाल विद्युत प्राधिकरणलाई स्मार्ट मिटरमा प्रयोग गर्नका लागि एक लाख ५० हजार थान ई–सिम उपलब्ध गराउने भएको छ।

ई–सिम उपलब्ध गराउनेबारे दुई पक्षबीच बिहीबार सम्झौता भएको हो। सम्झौतापत्रमा नेपाल टेलिकमको तर्फबाट प्रमुख व्यावसायिक अधिकृत संगीता पहाडी र नेपाल विद्युत प्राधिकरणको तर्फबाट वितरण तथा ग्राहक सेवा निर्देशनालयका निर्देशक अच्युतबाबु घिमिरेले हस्ताक्षर गरेका थिए।

प्राधिकरणले विद्युत महसुल सम्बन्धी जानकारीका लागि स्मार्ट मिटर प्रयोग गरिरहेको छ। यसको सहयोगले कार्यालयबाटै विद्युत खपत बारेमा जानकारी लिन सकिनुका साथै लाइन काट्न र विद्युत चुहावट नियन्त्रण लगायतका कार्य गर्न सहयोग पुग्ने बताइएको छ।

ई–सिमले प्राधिकरणको सिस्टम र स्मार्ट मिटरको बीचमा सञ्चार सुविधा उपलब्ध गराउन सहयोग गर्छ। १०० एम्पियरसम्म क्षमता भएका थ्री फेज ग्राहकहरुका लागि ई–सिम प्रयोग गरिने छ। नेपाल टेलिकमले विद्युत प्राधिकरणलाई यसअघि पनि स्मार्ट मिटर प्रयोजनका लागि ५३ हजार थान सिम उपलब्ध गराइसकेको छ।