निम्बसको उत्पादनः कुखुराको दाना बजार मूल्यभन्दा किलोमै पाँच रुपैयाँ सस्तो

कृषि

गृहपृष्ठ
कृषि

निम्बसको उत्पादनः कुखुराको दाना बजार मूल्यभन्दा किलोमै पाँच रुपैयाँ सस्तो

क्यापिटल नेपालसोमबार, चैत २७, २०७९

काठमाडौं। निम्बस होल्डिङ कम्पनीअन्तर्गतको शिवम् पेलेट फिडले सस्तो मूल्यमा कुखुराको दाना बजारमा ल्याएको छ। कम्पनीका अनुसार उक्त मूल्य हाल बजारमा चलेको मूल्यभन्दा प्रति किलो ५ रुपैयाँ सस्तो हो।

नयाँ उत्पादन बजारमा ल्याएकाले सस्तो मूल्यमा बिक्री वितरण गरेको कम्पनीले जनाएको छ। ‘अन्य कम्पनीभन्दा उत्कृष्ठ भएको दाबी हामी गर्न सक्दैनौं तर, उस्तै गुणस्तरको कुखुराको लागि चाहिने दाना सस्तो मूल्यमा दिएका छौं’ कम्पनीले भनेको छ।

देशभरिका विभिन्न स्थानमा लेस र ब्रोइलर जातका कुखुराका लागि आवश्यक पर्ने दाना निम्बसले उपलब्ध गराएको छ। नयाँ उत्पादन भएकाले सस्तो मूल्य राखेकाले गुणस्तरमा संका नगर्नसमेत कम्पनीले आग्रह गरेको छ। साथै अर्को सूचना जारी नभएसम्मका लागि हालको मूल्य यथावत रहने र सूचना जारी गरेर मात्रै मूल्य घटबढ गर्ने कम्पनीको तयारी छ।

त्यस्तै एक सय बोराभन्दा बढी सिङ्गल बिलमा खरिद गर्दा प्रतिकेजी थप ५० पैसा र १५ दिन पहिला नै बुकिङ गर्दा प्रतिकेजी ५० पैसा सस्तो पर्नेछ। निम्बसका उत्पादनहरु बुटवल, दमौली, कोहलपुर, हेटौंडा, पोखरा, काठमाडौं, नारायाणघाट, विरगन्ज र इटहरीबाट दाना खरिद गर्न सकिनेछ।

प्रकाशित मिति: सोमबार, चैत २७, २०७९ १८:०८

प्रतिक्रिया दिनुहोस्