काठमाडौं । निसानको आधिकारिक विक्रेता पायोनियर मोटो कर्प प्रालिले बिक्री गर्दै आएको गाडीमा एभरेस्ट बैंकले कर्जा दिने भएको छ।
बैंक र पायोनियरबीच भएको सम्झौताअनुसार अब निसानका गाडीमा खरिद गर्ने ग्राहकहरूले एभरेस्ट बैंकबाट सहजै कर्जा लिन सक्नेछन्।
दुई संस्थाबीच भएको सम्झौतापत्रमा बैंकको तर्फबाट कर्पोरेट हेड हरिशकुमार आचार्य र पायोनियर मोटो कर्प प्रालिको तर्फबाट सहमहाप्रबन्धक ज्ञानेन्द्रबहादुर चन्दले हस्ताक्षर गरेका हुन्।
सम्झौतापछि निसानले उत्पादन गरेका गाडीहरुमा खरिद गर्दा छिटो, छरितो र सहजताका साथ प्रतिस्पर्धी ब्याजदरमा सवारी साधन कर्जा उपलब्ध गराउने जारी विज्ञप्तिमा उल्लेख छ।
यो सहयोगले निसानबाट गाडी खरिद गर्न चाहने ग्राहकहरूलाई सुलभ र सहज वित्तीय सेवाहरू प्रदान गर्न लक्ष्य राखेको छ। सम्झौताको अनुसार, योजना सबै एभरेस्ट बैंकका सबै शाखाहरूबाट ग्राहकहरूलाई गाडीका लागि सुलभ ऋण सुविधाहरू सजिलो उपलब्ध हुनेछ।
इभीका लागि बेस रेट+ ३.५० प्रतिशत र एनओएन-इभीका लागि बेस रेट+ ४.०० प्रतिशत र एनओएन-इभी हुनेछ भने ७ वर्षको आवधिसहित र सेवा शुल्क मात्र ०.५ प्रतिशत हुनेछ। केवल २० प्रतिशतको डाउन पेमेन्टमा, ग्राहकहरू अब निसान इभीको मालिक हुन सक्छन्।
अहिले एभरेष्ट बैंकको देशभर रहेका १ सय २४ शाखाबाट नै कर्जा सुबिधा ग्राहकले लिन सक्नेछन् । ऋणलाई नेपाल राष्ट्र बैंकको सम्बन्धित निर्देशिका र निर्देशनहरूसँग समायोजन गरिएको छ । यो योजना पायोनियर मोटोकोर्पको आधिकारिक ब्रिक्रेता र एभरेस्ट बैंकका सबै शाखाहरुबाट नेपाल भरी लागू हुनेछ।
-1732541848.jpg)
