सामसङ स्मार्ट प्लाजा अब धनगढीकाे पुष्पलाल चोकमा

प्रविधि

गृहपृष्ठ
प्रविधि

सामसङ स्मार्ट प्लाजा अब धनगढीकाे पुष्पलाल चोकमा

क्यापिटल नेपालशुक्रबार, फागुन २६, २०७९

काठमाडौं। नेपालका लागि सामसङ इलेक्ट्रोनिक्सको आधिकारिक वितरक हिम इलेक्ट्रोनिक्सको सञ्जालअन्तर्गत रहेको कृष्ण कन्हैया अर्डर एन्ड सप्लायर्सल धनगढीस्थित पुष्पलाल चोकमा नयाँ सामसङ स्मार्ट प्लाजाको शाखा स्थापना गरेको छ।

शाखाको उद्घाटन हिम इलेक्ट्रोनिक्सका उपाध्यक्ष प्रभाकरशमशेर थापा र कृष्ण कन्हैया अर्डर एण्ड सप्लायर्सका कलाधर ठाकुरले शुक्रबार उद्घाटन गरे।

सुविधासम्पन्न सो सामसङ स्मार्ट प्लाजामा ग्राहकहरूको माग र आवश्यकतालाई गुणस्तरीय सेवामार्फत सम्बोधन गरिने जनाइएको छ। ग्राहकहरूले अब आफ्ना पुराना उपकरण र फोन ल्याइ सामसङको नयाँ उपकरणहरूसँग पनि साट्न सक्ने जनाइएको छ।

सामसङ स्मार्ट प्लाजाका सञ्चालक शिव शंकर ठाकुर छन् । उक्त अवसरमा प्लाजाका प्रबन्धक ठाकुरले धनगढीका ग्राहकहरूको बढ्दो मागको आपूर्तिका निम्ति यस सुविधा सम्पन्न सामसङ स्मार्ट प्लाजा सञ्चालनमा ल्याइएको बताए।

प्रकाशित मिति: शुक्रबार, फागुन २६, २०७९ १७:०२

प्रतिक्रिया दिनुहोस्