पाेखरामा असिनाले साढे दुई करोडको सुन्तलामा क्षति

कृषि

गृहपृष्ठ
कृषि

पाेखरामा असिनाले साढे दुई करोडको सुन्तलामा क्षति

क्यापिटल नेपालसोमबार, फागुन १५, २०७९

गण्डकी। आइतबार साँझ परेको असिनाका कारण कास्कीको पोखरा महानगरपालिका-२१ दोपहरे क्षेत्रमा साढे दुई करोड रूपैयाँभन्दा बढीको सुन्तला बालीमा क्षति पुगेको छ ।

असिनाका कारण पालुवा पलाउँदै गरेका तथा फूल खेल्न थालेका सुन्तलाका बोटमा हाँगा, पात आदिमा नराम्रोसँग क्षति पुगेको महानगरपालिकाका कृषि महाशाखा प्रमुख मनोहर कँडरियाले जानकारी दिए।

दोपहरे क्षेत्रमा करिब २० हजार सङ्ख्याका सुन्तलाका बोटबाट उत्पादन भइरहेको र बर्सेनि यहाँका स्थानीयले लगभग ५ करोड रूपैयाँ आम्दानी गर्ने गरेको उनले बताए। महानगरपालिकाले उक्त क्षेत्रमा विगत चार वर्षयता सुन्तला बगैँचा व्यवस्थापन कार्यक्रमअन्तर्गत सहयोग पनि गरिहेको छ ।

महाशाखा प्रमुख कँडरियाका अनुसार असिनाका कारण यस क्षेत्रमा करिब साढे दुई करोड रूपैयाँ भन्दा बढीको क्षति पुगेको अनुमान गरिएको छ। प्रकृतिजन्य प्रकोपका कारण बर्सेनि कृषक मर्कामा परिरहेको बताउँदै उनले क्षतिको जोखिमलाई न्यूनीकरण गर्न कृषि बीमा गर्नुपर्नेमा जोड दिए।

प्रकाशित मिति: सोमबार, फागुन १५, २०७९ १५:५१

प्रतिक्रिया दिनुहोस्