काठमाडाैं उपत्यकामा प्रतिघन्टा ५० किलोमिटरभन्दा बढी स्पिडमा गाडी गुडाउन नपाइने

अटो

गृहपृष्ठ
अटो

काठमाडाैं उपत्यकामा प्रतिघन्टा ५० किलोमिटरभन्दा बढी स्पिडमा गाडी गुडाउन नपाइने

क्यापिटल नेपालबिहीबार, फागुन ११, २०७९

काठमाडौं। काठमाडौं उपत्यकामा प्रतिघन्टा ५० किलोमिटर भन्दा बढीको स्पिडमा गाडी गुडाउन नपाइने भएको छ।

उपत्यका ट्राफिक प्रहरी कार्यालयले सवारी दुर्घटना न्यूनीकरण गर्न भन्दै गति ताेकेसँगै उपत्यकामा प्रतिघन्टा ५० किलोमिटर भन्दा बढीको स्पीडमा गाडी गुडाउन नपाइने भएको हाे।

सवारी तथा यातायात व्यवस्था ऐन २०४९ र नियमावली २०५४ मा उल्लेखित गति नियन्त्रणसम्बन्धी व्यवस्था र सडकको भौतिक अवस्थालाई मध्यनजर गर्दै सवारी दुर्घटना न्यूनीकरण तथा रोकथामका लागि कलंकी/कोटेश्‍वर सडक खण्डको फास्ट ट्रयाकमा ५० किलोमिटर र सर्भिस ट्रयाकमा २० किलोमिटर गति तोकिएको कार्यालयले जनाएकाे छ।

यस्तै कोटेश्‍वर/भक्तपुर सडक खण्डमा पनि प्रतिघन्टा ५० किलोमिटर गति तोकिएको छ। उपत्यकाको विभिन्न स्थानमा आवश्यकताअनुसार गति सिमा तोकी सोही स्थानमा गति सिमाका बोर्डहरू समेत राखिएको ट्राफिक प्रहरीले जनाएको छ। तोकिएको गतिभन्दा बढीमा सवारी चलाउनेलाई ट्राफिक प्रहरीले जरिवाना गर्दै आएको छ।

प्रकाशित मिति: बिहीबार, फागुन ११, २०७९ १८:३५

प्रतिक्रिया दिनुहोस्