फोरजी सेवा गुणस्तर बनाएपछि मात्रै फाइभ जी लागू गर्न उपयुक्त हुन्छ : मन्त्री शर्मा

प्रविधि

गृहपृष्ठ
प्रविधि

फोरजी सेवा गुणस्तर बनाएपछि मात्रै फाइभ जी लागू गर्न उपयुक्त हुन्छ : मन्त्री शर्मा

क्यापिटल नेपालबिहीबार, फागुन ११, २०७९

काठमाडाैं। सञ्चार तथा सूचना प्रविधिमन्त्री रेखा शर्माले फोरजी सेवा गुणस्तर बनाएर आवश्यक पूर्वाधार निर्माणपछि मात्रै फाइभजी लागू गर्न उपयुक्त हुने बताएकी छन्।

बिहीबार प्रविधि पत्रकार मञ्चले काठमाडौंमा आयोजना गरेको ‘फाइभजी को चुनौती र आगामी बाटो’ अन्तरक्रिया कार्यक्रममा बोल्दै मन्त्री शर्माले त्यस्ताे बताएकी हुन्।

मुलुकमा फाइभजी सेवा परीक्षण गर्दा देशका धेरै स्थानमा समान्य सूचनाको पहुँचसमेत पुग्न नसकेको अवस्था रहेको उनकाे भनाइ। फोर जी सेवा विस्तार भएको लामो समयसम्म काठमाडौं उपत्यकामासमेत प्रभावकारी हुन नसकेको भन्दै फोर जी सेवालाई व्यवस्थित बनाउन आवश्यक रहेकाे उनले बताइन्।

मन्त्री शर्माले फोर जी सेवा लागू गर्दा लागेको लागतअनुसार प्रतिफल भएरनभएको विषयमा अध्ययन गर्नुपर्ने बताइन्। उनले विश्वमा आउने नयाँ प्रविधिमा अगाडि बढ्दै जाने र त्यसबाट हुने फाइदाको समीक्षा गर्न नसक्दा लाभभन्दा नोक्सानी बढ्नसक्नेतर्फ सचेत हुन आवश्यक रहेको बताइन्।

मन्त्री शर्माले नेपाल भौगोलिक रुपमा कठिन अवस्थामा रहेको भन्दै उच्च हिमाली जिल्लामा समान्य सूचनाको पहुँच नै नपुगेको स्वीकार गरिन्। उनले देशका धेरै भू–भागहरू इन्टरनेटको न्यूनतम सेवासमेत नपुगेको बताइन्।

प्रकाशित मिति: बिहीबार, फागुन ११, २०७९ १४:२०

प्रतिक्रिया दिनुहोस्