काठमाडाैं। नेपाल पर्यटन श्रमिक संघको अध्यक्षमा ईश्वरप्रसाद लामिछाने निर्वाचित भएका छन्। संघको सोमबार राति सम्पन्न तेस्रो महाधिवेशनले उनको नेतृत्वमा २३ सदस्यीय नयाँ कार्यसमिति निर्विरोध निर्वाचित गरेको हो।
संघको वरिष्ठ उपाध्यक्षमा लक्ष्मण गुरुङ, उपाध्यक्षमा केशव मैनाली, लोकबहादुर गुरुङ र मिलन अधिकारी, महासचिवमा प्रकाश रिजाल र टेकबहादुर गुरुङ, उपमहासचिवमा दिपेन्द्र धरेल र सुरज तामाङ, कोषाध्यक्षमा नवराज सुवेदी क्षेत्री र सहकोषाध्यक्षमा सुर्चबहादुर तामाङ निर्वाचित भएका छन्।
यस्तै सदस्यमा टोपनारायण श्रेष्ठ, लोकबहादुर रावल, राजेश्वर अम्गाईं, हरि अधिकारी, दीपक रेग्मी सौगात गुरुङ, पवन तामाङ, राहुल तामाङ, कृष्ण थापा, विकास नगरकोटी, दिलमान गुरुङ र सुजल गुरुङ निर्वाचित भएको निर्वाचन समितिका सदस्य रुपेशराज सिग्देलले जानकारी दिए । संघको सल्लाहकारमा निवर्तमान अध्यक्ष दिपेन्द्र (कपील) पाण्डेलाई चयन गरिएको छ ।
पर्यटन क्षेत्रमा कार्यरत मजदुर मिलेर विसं. २०६६ सालमा स्थापना गरिएको उक्त संघमा हाल १ हजार ४ सय पदयात्री, आरोही, जलयात्री, ‘टुर’ जङ्गल सफारी गाइडलगायत आबद्ध छन् ।
