हार्ले डेभिड्सन लाइभ वायर ब्रान्डको ‘एस २ डेल मार’ मोटरसाइकल आउन समय लाग्ने

अटो

गृहपृष्ठ
अटो

हार्ले डेभिड्सन लाइभ वायर ब्रान्डको ‘एस २ डेल मार’ मोटरसाइकल आउन समय लाग्ने

क्यापिटल नेपालआइतबार, फागुन ७, २०७९

काठमाडौं। २०२३ को पहिलो त्रैमासमा बजारमा ल्याउने भनिएको हार्ले डेभिड्सन लाइभ वायर ब्रान्डको मोटरसाइकल आउन समय लाग्ने भएको छ।

हार्ले डेभिड्सनको लाइभ वायर ब्रान्डअन्तर्गत उत्पादन हुने एस २ डेल मार इलेक्ट्रिक मोटरसाइकलको उत्पादन मोडल यसअघि २०२३ को पहिलो त्रैमासमा बजारमा आउने बताइएको थियो। तर, अब भने तेस्रो त्रैमाससम्ममा मात्र आउने कम्पनीले जनाएको छ।

लाइभ वायर एस २ डेल मार १८ मिनेटमा सोल्ड आउट भएर चर्चा कमाएको मोटरसाइकल हो। कम्पनीले यो मोटरसाइकल पहिलो १०० युनिट बुकिङ खोलेको १८ मिनेटमा नै सोल्ड आउट भएको थियो। यसलाई हाल अमेरिकी बजारमा बुकिङ गर्न सकिन्छ।

कम्पनीले एस २ डेल मारको मूल्य १६ हजार ९ सय ९९ डलर मूल्य निर्धारण गरेको छ भने १०० डलर तिरेर बुकिङ गर्न सकिने जानकारी दिएको छ। लाइभ वायर एस २ डेल मारको उत्पादन मोडलमा ८० हर्सपावर तथा २४९ एनएम टर्क उत्पादन गर्ने मोटर जडान गरिएको छ। यसले ०–६० मात्र ३.१ सेकेन्डमा भेट्न सक्छ।

मोटरसाइकललाई ७५ मिनेटमा ०–८० प्रतिशतसम्म चार्ज गर्न सकिन्छ। यसलाई एक पटकको फुलचार्जमा १७७ किलोमिटरसम्म गुडाउन सकिने कम्पनीको दाबी छ।

प्रकाशित मिति: आइतबार, फागुन ७, २०७९ १५:०२

प्रतिक्रिया दिनुहोस्