मुभी टिकट किन्दा ५० रूपैयाँ क्यासब्याक दिन आइएमई पे-क्युएफएक्स सम्झौता

प्रविधि

गृहपृष्ठ
प्रविधि

मुभी टिकट किन्दा ५० रूपैयाँ क्यासब्याक दिन आइएमई पे-क्युएफएक्स सम्झौता

क्यापिटल नेपालबिहीबार, फागुन ४, २०७९

काठमाडौं। आइएमई पे र क्युएफएक्स सिनेमाजबीच आइएमई पे 'डे एट क्युएफएक्स' नामक अफरको सम्झौता भएको छ।

यस अफरअन्तर्गत ग्राहकवर्गले क्युएफएक्स सिनेमाजको वेबसाइट र एप्लिकेसनबाट आइएमई पे रोजी बुधबारको दिन मुभी टिकटको भुक्तानी गर्दा ५० रुपैयाँको फ्ल्याट क्यासब्याक हरेक साता प्राप्त गर्न सक्ने कम्पनीले जनाएको छ।

यो अफर अवधिभरको हरेक बुधबारको खरिदमा मात्र लागू हुनेछ। अफरका लागि निर्दिष्ट गरिएका शर्तअनुसार प्रयोगकर्ताहरुले एक दिनमा एकपल्ट मात्र यो अफरअन्तर्गतको लाभ प्राप्त गर्न सकिने कम्पनीले जनाएको छ ।

त्यसपश्चात प्रयोगकर्ताहरुले पुनः अर्को बुधवार मात्र सो अफरको फाइदा उठाउन सक्ने छन्। साथै, आगामी दिनहरुका लागि लाइभ भएको टिकट पनि बुधबारका दिन खरिद गर्दा ग्राहकले सो छुट पाउने छन्। यो अफर क्युएफएक्स सिनेमाजको ११ वटा हलमा लागू भएको छ।

मंगलबार राजधानी काठमाडौंमा आयोजितसम्झौता आदानप्रदान कार्यक्रममा बोल्दै आइएमई पेका प्रमुख व्यापार अधिकृत आमोद भट्टराईले सो अफर डिजिटल भुक्तानी माध्यममा प्रोत्साहन दिन उचित कदम हुने धारणा पनि व्यक्त गरेका थिए।

त्यस्तै, क्युएफएक्स सिनेमाजका व्यापार विकास प्रमुख तृप्ती गिरीले आइएमई पेसँग आबद्घ भई यो अफरमार्फत मुभी प्रेमीहरूलाई सहज हुने र अझ बढी ग्राहकहरू आकर्षित हुने विश्वास व्यक्त गरिन्।

प्रकाशित मिति: बिहीबार, फागुन ४, २०७९ १२:४९

प्रतिक्रिया दिनुहोस्