ललितपुर। ललितपुरको जावलाखेलमा रहेको अल्का अस्पताल बुधबारदेखि १७ वर्षमा प्रवेश गरेको छ। अल्का अस्पताल २०६३ साल फागुन ३ गतेदेखि सञ्चालनमा आएको थियो।
वार्षिकाेत्सवको अवसरमा अल्का अस्पतालले बुधबार आफ्ना सबै सेवाहरूमा ३० प्रतिशत छुटको व्यवस्था गरेको छ। वार्षिकाेत्सवको अवसरमा अस्पतालका सञ्चालक तथा अध्यक्ष कुमार थापाले बिरामीहरूको उपचारमा कुनै पनि कन्जुस्याइँ नगर्ने बताए।
आगामी दिनमा अस्पताल स्तराेन्नति र सेवा विस्तार आफूहरुको प्रमुख प्राथमिकतामा रहेको उनले बताए। उनले आफ्ना सम्पूर्ण सेवाग्राहीहरूले गरेको विश्वास स्मरण गर्दै सबैलाई धन्यवादसमेत दिए। अल्का अस्पतालले नयाँ-नयाँ प्रविधि भित्र्याएर बिरामीलाई सेवा दिँदै आइरहेको छ।
टेष्ट ट्युब बेबी सेवा, प्रसूति तथा महिला रोग सेवा, डाइबेटिज, बालरोग, मुटुरोग, नशा, बाथ रोग, यौन तथा छालारोग, ग्यास्ट्रोलोजी, रेडियोलोजी, आँखा, नाक, कान, घाँटी, दाँत रोग, युरोलोजिस्ट, कलेजो रोग, एनेस्थेसियालगायतका विशेषज्ञबाट अस्पतालले बिरामीलाई सेवा दिइरहेको छ।
अल्का अस्पतालमा सुविधासम्पन्न ल्याब र आफ्नै नसिर्ङ कलेज छ। वार्षिकाेत्सवको अवसरमा अल्का अस्पतालले रक्तदान कार्यक्रम आयोजना गरेको छ।
