मुलुक समृद्धिका लागि प्राविधिक शिक्षा अपरिहार्य : सञ्चारमन्त्री शर्मा

प्रविधि

गृहपृष्ठ
प्रविधि

मुलुक समृद्धिका लागि प्राविधिक शिक्षा अपरिहार्य : सञ्चारमन्त्री शर्मा

क्यापिटल नेपालमंगलबार, फागुन २, २०७९

घोराही। सञ्चार सूचना तथा प्रविधिमन्त्री एवम् सरकारका प्रवक्ता रेखा शर्माले मुलुकको समृद्धिका लागि प्राविधिक शिक्षा अपरिहार्य भएको बताएकी छन्।

दाङको घोराहीस्थित सहिद कृष्ण सेन इच्छुक बहुप्राविधिक शिक्षालयको मंगलबार बिहान निरीक्षणमा पुगेकी शर्माले प्राविधिक शिक्षाको प्रवर्द्धन गर्ने सरकारको नीति रहेकोसमेत बताइन्। 'पुरानो घोकन्ते शिक्षा लिएर हाम्रा सन्ततिहरूले आफ्नो र मुलुकको समृद्धिमा योगदान दिन सक्दैनन्,' उनले भनिन्, 'अब हाम्रा सन्ततिहरूलाई पढ्दै र कमाउँदै गर्ने वातावरण तयार गर्नुपर्छ।'

मुलुकको समग्र शिक्षा क्षेत्रकको विकासका लागि नयाँ शिक्षा ऐन ल्याउन लागिएको शर्माले जानकारी दिइन्। सो अवसरमा शर्माले शिक्षालय प्रांगणमा रहेको सहिद कृष्ण सेन इच्छुकको शालिकमा माल्यार्पणसमेत गरेकी थिइन्।

शिक्षालयका प्रमुख अच्युतराज दाहालले कृष्ण सेन प्राविधिक शिक्षालयलाई प्रशिक्षक उत्पादन गर्ने थलो बनाउने योजना रहेको जानकारी दिए। उनले शिक्षालयमा अझै कार्यक्रमहरू थप गर्ने सोच रहेकाले थप जग्गा र भौतिक पूर्वाधार आवश्यक भएको बताए।

शिक्षालयका उपप्रमुख केशरमान बुढाथोकीले गुणस्तरीय जनशक्ति उत्पादन गर्ने आफूहरूको धेय रहेको स्पष्ट पारे।

प्रकाशित मिति: मंगलबार, फागुन २, २०७९ ११:२६

प्रतिक्रिया दिनुहोस्