काठमाडाैं। नेपालमा गल्फ लुब्रिकेन्टका उत्पादन र वितरण गर्ने गल्फ इन्टरनेसनलको इजाजतपत्र प्राप्त नेपाल ल्युब आयलले 'स्वराज ट्रयाक्टर सर्भिस क्याम्प' सम्पन्न गरेको छ।
नेपाल ल्युब आयल र नेपाल ल्युब आयलको आधिकारीक ओइएम सेल्स पार्टनर राजेश ट्रेडर्स एन्ड सप्लायर्सको संयुक्त आयोजनामा भएको क्याम्प पुस ९ देखि १३ सम्म भएकाे हाे ।
क्याम्प राजविराज, बरियारपट्टी, सिराहा र कल्याणपुरमा आयाेजना गरिएकाे थियो। स्वराज ट्रयाक्टरका ग्राहकलाई लक्ष्य क्याम्पमा निःशुल्क सर्भिसिङ र इन्जिन आयल चेन्ज प्रदान गरेको थियो।
ट्रयाक्टर धनी तथा सवारी चालकको स्वास्थ्य अवस्थालाई पनि प्राथमिकता दिई निःशुल्क बडी चेकअप र रक्तचाप जाँच पनि गरिएको थियो।
उक्त क्याम्पमा सहभागी सबै ट्रयाक्टर धनी तथा सवारी चालकलाई उपहार स्वरूप गल्फको टी-सर्ट, कि-रिङ र डटपेन प्रदान गरिएको थियो।
कम्पनीका अनुसार स्वराज ट्रयाक्टरका ग्राहकलाई थप इन्जीन, ल्युब र समय समयमा गर्नुपर्ने सर्भिसिङको फाइदाबारे जानकारी गराइएकाे थियाे। गल्फ लुब्रिकेन्टलाई निरन्तरता दिन कार्यक्रम आयोजना गरिएको कम्पनीले जनाएकाे छ।
उक्त क्याम्पमा १७० भन्दा धेरै ट्रयाक्टर धनी सहभागी थिए। ग्राहकको उत्साहले थप प्रेरणा मिलेको कम्पनीकाे भनाइ छ। कम्पनीले सबै सहभागीलाई धन्यवाद समेत दिएकाे छ ।
फ्युल रिटेल र लुब्रिकेन्टको क्षेत्रमा गल्फ विश्वमै परिचित ब्रान्ड हो। यसले अटोमोटिभदेखि इन्डस्ट्रियल सेक्टरसम्मका उत्पादन उपलब्ध गराउँछ। नेपालमा गल्फ ब्रान्ड विगत ३८ वर्षदेखि लगातार ग्राहकको रोजाईमा पर्दै आएको छ।
