फरवाड लघुवित्तले ३० प्रतिशत लाभांश बाड्ने

मुख्य समाचार

गृहपृष्ठ
मुख्य समाचार

फरवाड लघुवित्तले ३० प्रतिशत लाभांश बाड्ने

क्यापिटल नेपालमंगलबार, पुस १२, २०७९

काठमाडाैं। फरवाड लघुवित्त वित्तीय संस्थाले आफ्ना सेयरधनीहरूलाई ३० प्रतिशत लाभांश बाड्ने जनाएकाे छ। कम्पनीले गत आर्थिक वर्षको नाफाबाट ३० प्रतिशत लाभांश बाड्ने जनाएकाे हाे।

कम्पनीको सञ्चालक समितिले गरेको प्रस्तावअनुसार लगानीकर्तालाई २५ प्रतिशत बोनस सेयर वितरण गर्नेछ। यस्तै, कर प्रयोजनका लागिसमेत गरी पाँच प्रतिशत नगद लाभांश वितरण गर्ने प्रस्ताव सञ्चालक समितिले गरेको छ।

कम्पनीले यही पुस ३० गते वार्षिक साधारणसभा बाेलाएकाे छ। सञ्चालक समितिले गरेको प्रस्ताव वार्षिक साधारणसभाबाट पारित भएपछि मात्रै पारित हुनेछ। यसका लागि कम्पनीले पुस १७ गतेलाई बुक क्लोजको मिती तोकेको छ। जसअनुसार पुस १६ गतेसम्म कायम सेयरधनीहरूले मात्रै लाभांश पाउनेछन्।

कम्पनीले आकर्षक लाभांश वितरणको प्रस्ताव गरेपछि सेयर मूल्यमा सकारात्मक सर्किट लागेको छ। १० प्रतिशतले मूल्य बढेपछि कम्पनीको सेयर मूल्य प्रतिकित्ता २३ सय २३ रूपैयाँ पुगेको छ।

प्रकाशित मिति: मंगलबार, पुस १२, २०७९ १४:५८

प्रतिक्रिया दिनुहोस्