एजेन्सी। सन् २०२१ मा विश्व ‘क्लाउड कम्प्युटिङ’ बजारको आकार ३ खर्ब ६८ अर्ब ९७ करोड अमेरिकी डलरबराबर थियो। २०२२ देखि २०३० सम्म १५.७ प्रतिशतका दरको वार्षिक वृद्धि हुने अपेक्षा छ।
आर्टिफिसियल इन्टेलिजेन्स (एआई) र मेसिनजस्ता उदीयमान प्रविधिका परिचय र सिकाइले एआई क्षमतामा ट्याप गर्न कम्पनीहरूलाई सशक्तिकरण गरेर क्लाउड वृद्धि गर्न सक्षम बनाउँछ।
कोभिड–१९ महामारी विश्वअर्थतन्त्रका लागि महत्वपूर्ण चुनौतीका रूपमा देखापरेको छ। क्लाउड कम्प्युटिङले लकडाउन, घरबाट काम गर्ने, सामाजिक दुरी र बजारलाई असर गर्नेजस्ता म्यान्डेटका कारण व्यवसाय निरन्तरतामा हुने चुनौतीबाट बच्न उद्यमहरूलाई सहयोग गर्नसक्छ।
यद्यपि, व्यवसाय, प्रबन्धक र कर्मचारीले महामारीका कारण टाढाबाट काम गर्ने विकल्प रोज्ने कार्य जारी राख्दा यो रिमोटबाट काम गर्ने पछिल्लो प्रवृत्तिका रूपमा देखापरेको छ। साथै, दिर्घकालीनरूपमा जारी रहने अपेक्षा पनि छ।
महामारीले महत्वपूर्ण कार्यस्थल परिवर्तन गर्नुका साथै प्रेरित गर्ने अपेक्षा पनि गरिएको छ। यसले चौथो औद्योगिक क्रान्ति, ४.० उद्योगलाई गति दिनका लागि मोबाइल सुपरकम्प्युटिङ, आइओटी, बिग डेटा र आर्टिफिसियल इन्टेलिजेन्स जस्ता स्मार्ट प्रविधि प्रयोग गर्ने तरिकालाई रूपान्तरण गर्दैछ। क्लाउड–कम्प्युटिङ बजारले ‘क्यु३–२०२०’ मा मागलाई गति दियो किनभने संस्थाहरूले आफ्नो कार्यभारलाई परम्परागत च्यानलबाट डिजिटल ढाँचामा स्थानान्तरण जारी राखे।
विभिन्न क्षेत्रमा धेरै उद्यमले कर्मचारी कल्याण र परिचालन दक्षता कायम राख्न घरबाट गर्ने कामको मोडल अपनाएका छन्, जसका कारण ‘सफ्टवेयर–ए–सर्भिस’ (सास) मा आधारित समाधानको उपायका माग बढ्दै छ।
उदाहरणका लागि सहकार्य तथा समाधानका उपायका लागि उच्च मागका कारण माइक्रोसफ्ट प्लेटफर्म प्रयोगकर्ताहरू विश्वव्यापीरूपमा झन्डे साढे ४ करोडले बढेका छन्। जबकि, ‘स्ट्यान्ड अलोन’ भिडियो मिटिङ क्लाउड समाधानले १ सय ५० देशमा २०२० फेब्रुअरी अन्तिम साता दर्ता प्रयोगकर्तामा ३ सय प्रतिशतभन्दा बढी वृद्धिको लक्ष्य देखेको छ।
अमेजन प्राइम, डिज्नी, ट्विच, नेटफ्लिक्स, हुलु, युट्युब र एप्पल टिभीजस्ता स्ट्रिमिङ प्लेटफर्मका मागमा उल्लेख्य वृद्धि भएको छ किनभने अधिकांश मानिस लकडाउनका कारण घरमै बस्न बाध्य भएका थिए। ‘भिडियो–अन–डिमान्ड’ (भिओडी) मा भएको यो वृद्धिले उपभोक्ताका माग सम्बोधन गर्न सेवा (आइएएएस) का रूपमा पूर्वाधारको माग बढाएको छ।
क्लाउड कम्प्युटिङले बजारको परिवेशअनुसार व्यापार सञ्चालन अनुकूलन गर्न र चलाउन थप प्रभावकारी र छिटो हुने तरिका प्रदान गर्छ। यसले प्रविधिको उपभोक्ताकरणलाई सुव्यवस्थित बनाउँछ। यसले अत्यधिक आकर्षक ग्राहक अनुभवहरू सिर्जना गर्न अभूतपूर्व सम्भावना खुला गरेको छ।
क्लाउडले मानिस र व्यवसायबीचको व्यवहारमा परिवर्तन ल्याएको छ र काम गर्न प्राविधिक नीति वरिपरि नेभिगेट गर्नका लागि धेरै किसिमका व्यवसायलाई सक्षम पारेको छ। क्लाउड प्रवृत्तिहरू अनिवार्यरूपमा संस्थाका लगानी रणनीतिहरू, डिजिटल व्यापार निर्णय प्रक्रिया तथा विक्रेता र प्रविधि चयनका मार्गनिर्देशन हुन्।
द्रुत डिजिटाइजेसनले लागत दक्षता र व्यापार सफलता ड्राइभ गर्न आफ्नो अनुप्रयोग र पूर्वाधार परिदृश्य आधुनिकीकरण गर्न संस्थाहरूलाई बाध्य पार्दैछ। क्लाउड समाधान र सेवा अपनाएर संगठनहरूले आफ्ना मुख्य व्यापार गतिविधिलाई प्रभावकारीरूपमा समर्थन गर्न, क्लाउड प्लेटफर्ममा व्यापार कार्यभार सार्न र नेटवर्कको विलम्बताबाट बचाउन सक्छन्।
डेटा सुरक्षा र गोपनियता संस्थाहरूको प्राथमिक चिन्ता हो, जहाँ भण्डारण, प्रयोग र सूचना प्रशारण डिजिटलरूपमा सुरक्षित हुनुपर्छ। एक सर्वेक्षणको सुझावअनुसार हार्डड्राइभमा व्यापार–संवेदनशील जानकारीको लगभग ६० प्रतिशत असुरक्षित राखिएको हुन्छ।
डेटा इन्क्रिप्सन, आधिकारिकता व्यवस्थापन, पहुँच नियन्त्रण, क्लाउड एकीकरण, सञ्चार सुरक्षा, अनुगमन र लेखापरीक्षण तथा व्यापार निरन्तरता सेवा विक्रेतद्वारा प्रस्तावित केही महत्वपूर्ण सुरक्षा सेवा हुन्। उदाहरणका लागि गुगल, माइक्रोसफ्ट र अमेजन डटकम जस्ता विक्रेताले ९९.९ प्रतिशत अपटाइम प्रदान गर्छन्, जसले संस्थाहरूलाई रिकभरी सुविधा र ब्याकअप पूर्वाधार सिर्जना गर्ने र कायम राख्ने बोझबाट राहत दिन्छ।
