३५ दिने निःशुल्क महिला माउन्टेन गाइड तालिम सुरू

मुख्य समाचार

गृहपृष्ठ
मुख्य समाचार

३५ दिने निःशुल्क महिला माउन्टेन गाइड तालिम सुरू

क्यापिटल नेपालबुधबार, मंसिर २८, २०७९

काठमाडौं। काठमाडौंमा महिलाका लागि ३५ दिने निशुल्क माउन्टेन गाईड तालिम सुरू भएको छ।

नेपाल पर्यटन बोर्ड र संयुक्त राष्ट्रसंघीय विकास कार्यक्रम युएनडिपीको सहकार्यमा सञ्चालित संयुक्त परियोजना जिविकोपार्जनका पुनःउत्थानका लागि दिगो पर्यटन परियोजना (एसटीएलआरपी) को सहयोग तथा नेपाल पर्वतारोहण प्रशिक्षण प्रतिष्ठान (एनएमए) सँगको सहकार्यमा तालिम सुरु भएको हाे।

तालिममा सातै प्रदेशका २५ जिल्लाबाट १२० जना प्रशिक्षार्थीको सहभागिता छ। तालिमको शुभारम्भ गर्दै नेपाल पर्यटन बोर्डका निर्देशक तथा परियोजनाका राष्ट्रिय कार्यक्रम संयोजक मणिराज लामिछानेले पर्वतारोहण क्षेत्रमा महिला सहभागिता अभिवृद्धि गर्ने उद्देश्यले एएमएसँगको सहकार्यमा तालिम सुरु गरिएको र यसले पर्वतारोहण क्षेत्रमा नयाँ जनशक्ति तयार हुने बताए।

उनले परियोजनाअन्र्तगत विभिन्न क्षेत्रमा जनशक्ति उत्पादन हुँदै आएको जानकारी दिँदै तालिमलाई व्यवहारिक बनाउन शैद्धान्तिक तथा व्यहारिक कक्षा सञ्चालन गरिने बताए।

यस्तै नेपाल पर्वतारोहण प्रशिक्षण प्रतिष्ठान (एनएमए) का कार्यकारी निर्देशक रुद्रप्रसाद चापागाईले यो तालिमले पर्यटनमा महिला सहभागिता बढाउनुको साथै रोजगारीमा समेत योगदान पुग्ने अपेक्षा गरिएको बताए।

सिमित संख्यामा मात्र तालिम दिने गरी देशैभरीबाट आव्हन गरिए पनि तालिमममा सहभागि हुन चाहनेको संख्या धेरै भएपछि अन्तवार्ताको माध्यमबाट सहभागी छनोट गरिएको जीविकोपार्जन पुनःउत्थानका लागि दीगो पर्यटन परियोजना (एसटीएलआरपी) का जिविकोपार्जन विज्ञ धर्म दवाडीले जानकारी दिए।

प्रकाशित मिति: बुधबार, मंसिर २८, २०७९ १५:१४

प्रतिक्रिया दिनुहोस्