सम्पदा क्षेत्र अध्ययन गर्ने पर्यटकलाई ‘होप अन होप अफ’ सिटी बस सञ्चालन हुने

मुख्य समाचार

गृहपृष्ठ
मुख्य समाचार

सम्पदा क्षेत्र अध्ययन गर्ने पर्यटकलाई ‘होप अन होप अफ’ सिटी बस सञ्चालन हुने

क्यापिटल नेपालसोमबार, मंसिर २६, २०७९

काठमाडौं। काठमाडौंमा पर्यटकका लागि ‘होप अन होप अफ’ सिटी बस सञ्चालन हुने भएको छ। उपत्यकाका सम्पदा अवलोकन गर्ने स्वदेशी तथा विदेशी पर्यटकहरुलाई सहज यात्राका लागि ‘होप अन होप अफ’ सिटी बस सञ्चालन गर्न लागिएको हो।

आइतबार साे बसबाट क्षेत्रगत अवलोकनसमेत गरिएको छ।अवलोकनमा बस व्यवसायी, विज्ञ, ट्राफिक प्रहरी, पर्यटन मन्त्रालय र नेपाल पर्यटन बोर्डको सहभागिता थियो।

होप अन होप अफका लागि साझा यातायातले अन्तर्राष्ट्रिय मापदण्डका विद्युतीय बस उपलब्ध गराउने जनाएको छ। पहिलो चरणमा साझा यातायातका ६ वटा बिजुली बस प्रयोगमा आउनेछन्। संस्कृति, पर्यटन तथा नागरिक उड्डयन मन्त्रालयका अनुसार पर्यटन पुनरूत्थानका लागि 'होप अन होप अफ' बस सञ्चालन गर्न लागिएको हो।

उक्त बस पुल्चोक–कुपण्डोल, थापाथली, सहिदगेट–सुन्धारा–जमल–दरबारमार्ग–कमलपोखरी–नक्सालसम्म चल्ने छ। त्यस्तै भगवतीबहाल–मैतीदेवी–गौशाला–गुह्वेश्वरी–तारागाउँ–बौद्ध–चाबहिल–महाराजगन्ज–स्वयम्भू–छाउनी–कालीमाटी–बल्खु–एकान्तकुना–जावलाखेलमा पनि ‘होप अन होप अफ’ सिटी बस सञ्चालन हुनेछ।

प्रकाशित मिति: सोमबार, मंसिर २६, २०७९ ११:४२

प्रतिक्रिया दिनुहोस्