घटेको बजारमा बढ्यो कारोबार रकम

मुख्य समाचार

गृहपृष्ठ
मुख्य समाचार

घटेको बजारमा बढ्यो कारोबार रकम

क्यापिटल नेपालबुधबार, मंसिर २१, २०७९

काठमाडौं। साताको चौथौ कारोबार दिन बुधबार सेयरबजार १६.६१ अंकले घटेको छ। यस दिन नेप्से परिसूचक १६.६१ अंकले घटेर १ हजार ९१७.२८ बिन्दुमा झरेको हो।

नेप्सेमा खरिदकर्ता तुलनामा बिक्रीकर्ताको चाप देखिएपछि बजार सामान्य गिरावट आएको हो। अघिल्लो कारोबारको तुलनामा यस दिन नेप्से परिसूचकमा गिरावट आएपनि कारोबार रकममा भने सुधार आएको छ। यस दिन नेप्से परिसूचक १९३६ उच्च बिन्दु र १९१६ न्यून बिन्दु रहेको छ।

सामान्य अंकले घटेको बजारमा ३७ कम्पनीको सेयरमूल्य बढेको छ भने १५९ कम्पनीको घटेको छ। त्यस्तै ८ कम्पनीको कारोबार स्थिर नै छ। यस दिन नेप्से कारोबारमा आएका २४६ कम्पनीले ८० लाख ९२ हजार पटक सेयर खरिदबिक्री हुँदा १ अर्ब ६५ करोडको कारोबार भएको छ।

अघिल्लो कारोबार दिन नेप्सेमा ९५ करोडको कारोबार भएको थियो। यस दिन नेप्सेमा खप्तड लघुवित्तको सर्वाधिक सेयरमूल्य ६.०९ प्रतिशतले बढेको छ। त्यस्तै आज नाडेप लद्दुवित्तको सेयरमूल्य सर्वाधिक ९.९९ प्रतिशतले घटेको छ।

आज नेप्सेमा सानिमा बैंकको प्रमोटर सेयरको सर्वाधिक ८ करोड ६७ करोड २ लाख रुपैयाँको कारोबार भएको छ। त्यस्तै, शिवम सिमेन्टको १३ करोड ८५ लाख र नबिल बैंकको ४ करोड ५२ लाख रुपैयाँको कारोबार भएको छ।

प्रकाशित मिति: बुधबार, मंसिर २१, २०७९ १५:२४

प्रतिक्रिया दिनुहोस्