काठमाडौं । दसैं, तिहार, छठ र नेपाल सम्वत् जस्ता चाडपर्वहरूका अवसरमा आइएमईले आम सेवाग्राहीहरूलाई लक्षित गर्दै सञ्चालनमा ल्याएको आइएमई साथैमा, मोबाइल हातैमा, १० लाख खातैमा नामक सेवाग्राहीमुखी उत्सव अफरअन्तर्गत आठौं र नवौं हप्ताका विजेता सार्वजनिक गरेको छ ।
काठमाडौं पानीपोखरीस्थित केन्द्रीय कार्यालयमा फेसबुक लाइभमार्फत बिहीबार सार्वजनिक गरिएको नतिजाअनुसार कतार र जापानबाट आइएमईमार्फत पैसा पठाउने सेवाग्राहीहरू क्रमशः रन्जीतकुमार यादव र दीर्घराज जोशी आठौं हप्ताका लागि साप्ताहिक विजेता छनोट भएका छन् ।
त्यस्तै करुण अधिकारी र शिवजीप्रसाद गोपाल शाहा नवौं हप्ताको लागि साप्ताहिक विजेता छनोट भएका छन् । उनीहरूले क्रमशः संयुक्त अरव इमिरेट्स र कुवेतबाट आइएमई मार्फत नेपालमा रहेका आफन्तलाई यो अफर अवधिमा पैसा पठाएका थिए ।
चारै जना साप्ताहिक विजेताले जनही पच्चीस हजार रुपैयाँ प्राप्त प्राप्त गर्ने कम्पनीले जनाएको छ । त्यस्तै सेवाग्राहीहरू रामशरण मण्डल, जोगीराम मेहर शिङ्घ, शिवकुमार साडा, धरम बोहोरा, रमणकुमार शिङ्घ, हिराबहादुर बि।क। र इर्कु पाश्वान आठौ हप्ताको लागि दैनिक विजेता छनोट भएका छन् । उनीहरुले क्रमशः कतार, कुवेत, बहराइन, मलेशिया, कतार, संयुक्त अरव इमिरेट्स, कतार र जापानबाट आइएमईमार्फत नेपालमा रहँदै आएका आफन्तलाई रकम पठाएका थिए ।
