भारतबाट बढेर आयाे इन्धनको मूल्य, नेपालमा यथावत्

मुख्य समाचार

गृहपृष्ठ
मुख्य समाचार

भारतबाट बढेर आयाे इन्धनको मूल्य, नेपालमा यथावत्

क्यापिटल नेपालबिहीबार, कात्तिक १७, २०७९

काठमाडौं। भारतीय आयल कर्पोरेसन (आईओसी) ले पेट्राेलियम पर्दाथकाे मूल्य बढाएर पठाएकाे छ। नेपाल आयल निगमका अनुसार भारतले दुई दिनअघि इन्धनकाे मूल्य बढाएर पठाएकाे हाे।

जसअनुसार पेट्रोल प्रतिलिटर ६१ पैसा, डिजेल ५ रुपैयाँ ७६ पैसा, मट्टितेल ७ रुपैयाँ १ पैसा र हवाई इन्धन ४ रूपैयाँ ७७ पैसा बढेर आएको छ ।

नयाँ मूल्यसूचीअनुसार निगमलाई डिजेलमा प्रतिलिटर १२ रुपैयाँ १४ पैसा नोक्सान हुने भएको छ । पेट्रोल, हवाई इन्धन र मट्टितेलमा नाफा रहेकाले समग्रमा निगमलाई पाक्षिक १८ करोड नाफा रहने भएको हो ।

निगमका अनुसार अन्तर्राष्ट्रिय बजारमा कच्चा तेलको मूल्य बढ्दो क्रममा देखिएको, डलरसँग नेपाली मुद्रा कमजोर भएका कारणले इन्धनको मूल्य घट्दैन ।

हाल पेट्रोल प्रतिलिटर १८१ तथा डिजेल र मट्टितेल प्रतिलिटर १७८ रुपैयाँ तोकिएको छ । सरकार र भारतीय आयल कर्पोरेसनलाई २९ अर्ब रुपैयाँ तिर्न बाँकी रहेको निगमले जनाएको छ ।

प्रकाशित मिति: बिहीबार, कात्तिक १७, २०७९ १७:४७

प्रतिक्रिया दिनुहोस्