१६.३९ अंकले बढ्यो नेप्से, ६९ करोडको कारोबार

मुख्य समाचार

गृहपृष्ठ
मुख्य समाचार

१६.३९ अंकले बढ्यो नेप्से, ६९ करोडको कारोबार

क्यापिटल नेपालसोमबार, कात्तिक १४, २०७९

काठमाडौं । साताको पहिलो कारोबार दिन सोमबार नेपाल स्टक एक्सचेन्ज ‘नेप्से’ सामान्य अंकले बढेको छ । यस दिन नेप्से परिसूचक १६.३९ अंकले बढेर १८७४.८७ बिन्दुमा पुगेको हो । आज १ हजार ८६०.४ बिन्दुमा खुलेको बजार ०.८८ प्रतिशतले बढेर १ हजार ८७४.८७ बिन्दुमा पुगेर बन्द भएको छ ।

सामान्य अंकले बढेको बजारमा ६९ करोडको कारोबार भएको छ । आज नेप्से उच्च बिन्दु १ हजार ८७४ बिन्दु र न्यून १ हजार ८५६ बिन्दु समातेको थियो । आज नेप्से बन्द हुँदाको बिन्दु नै उच्च बिन्दु हो ।

अघिल्लो कारोबारको तुलनामा आज नेप्से परिसूचकसँगै कारोबार रकम पनि बढेको छ । आज नेप्सेमा ६९ करोड ७३ लाखको कारोबार भएको छ । अघिल्लो कारोबार दिन नेप्सेमा ४८ करोड रुपैयाँको कारोबार भएको थियो ।

आज नेप्सेमा २ सय २४ कम्पनीको २५ लाख ७४ हजार कित्ता सेयर खरिद बिक्री भएको छ । आज नेप्से कारोबारमा आएका २ सय २५ कम्पनीमध्ये १ सय १० कम्पनीको सेयर मूल्य बढेको छ भने ६५ कम्पनीको सेयर मूल्यमा गिरावट आएको छ ।

त्यसैगरी १० कम्पनीको सेयर मूल्य स्थिर छ । आज नेप्सेमा सयपत्री हाइड्रोपारकोे सेयर मूल्य सर्वाधिक १० प्रतिशतले बढेको छ । आज अपर हेवाखोलाको सेयरमूल्य सर्वाधिक ८.१६ प्रतिशत र रुरु जलविद्युतको सेयर मूल्य ६.५८ प्रतिशतले घटेको हो ।

आज नेप्सेमा एनआइसी एसिया बैंकको सर्वाधिक ६ करोड १७ लाख रुपैयाँको कारोबार गरेको छ । त्यस्तै, एभरेष्ट बैंकको ४ करोड ३९ लाख रुपैयाँको कारोबार र नबिल बैंकको ३ करोड ८० लाख रुपैयाँको कारोबार गरेको छ ।

प्रकाशित मिति: सोमबार, कात्तिक १४, २०७९ १५:५१

प्रतिक्रिया दिनुहोस्