बिवाइडीकाे शाेरुम काठमाडौंको नक्सालमा, विद्युतीय गाडीलाई बढावा दिनुपर्ने

मुख्य समाचार

गृहपृष्ठ
मुख्य समाचार

बिवाइडीकाे शाेरुम काठमाडौंको नक्सालमा, विद्युतीय गाडीलाई बढावा दिनुपर्ने

क्यापिटल नेपालसोमबार, असोज ३१, २०७९

काठमाडौं । नेपालमा शनिबार मात्र सार्वजनिक भएको चीनको विद्युतीय गाडी निर्माता ‘बिल्ड योर ड्रिम्स’ ९बीवाइडी० को ‘एटो ३’ गाडीको शोरुम काठमाडौंको नक्साल ९नारायणचौर०मा सञ्चालनमा आएको छ ।

नेपालका लागि बीवाइडीको आधिकारिक विक्रेता साइमेक्स इंकले ‘एटो–३’ को शोरुम सोमबारबाट नक्सालनमा सञ्चालनमा ल्याएको हो । दुई महिना अगाडिनै नेपालमा सार्वजनिक गर्ने भनिएको एटो ३ लाई शनिबार नेपालका वरिष्ठ हास्य कलाकार तथा एटो ३ का ब्रान्ड एम्बास्डर हरिवंश आचार्यले ह्यात होटलमा सार्वजनिक गरेका थिए । नक्सालमा सञ्चालनमा ल्याइएको बिवाइडी शोरुमको उद्घाटन पनि हरिवंश आचार्यले गरेका थिए ।

शोरूमको उद्घाटन समारोहमा साइमेक्स इंककी प्रवन्ध निर्देशक यमुना श्रेष्ठले विश्व बजारमा लोकप्रियता कमाएको एटो ३ ले नेपाली बजारमा पनि लोकप्रियता पाउने विश्वास व्यक्त गरिन् । उनले सानैदेखि आफूलाई नेपालमा विद्युतीय गाडी सञ्चालनमा ल्याउन मन लागेको बताउँदै एटो ३ नेपालमा भित्र्याउन पाउँदा खुसी लागेको बताइन् । ‘मलाई सानैदेखि नेपालमा विद्युतीय गाडी सञ्चालनमा ल्याउनुपर्छ भन्ने लागेको थियो । मेले एटो ३ नेपालमा ल्याउन पाउँदा खुसी लागेको छ,' श्रेष्ठले भनिन् ‘नेपालमा सार्वजनिक यातायातलाई समेत विद्युतीय बनाउन सके नेपाललाई धेरै फाइदा हुन्छ ।’ सार्वजनिक यातायातलाई विद्युतीय बनाउन सके नेपाललाई फाइदा पुग्ने उनको भनाइ छ ।

त्यस्तै कार्यक्रममा कलाकार हरिवंश आचार्यले एटो ३ गाडीको ब्रान्ड एम्बास्डर बन्ने अवसर पाउँदा आफूलाई गर्व महसुस भएको प्रतिक्रिया दिए । उनले विद्युतीय गाडीलाई नेपालमा बढाउन आवश्य रहेको पनि चर्चा गरे । विद्युतीय गाडीको अधिकतम प्रयोगले नेपालको आर्थिक क्षेत्रमा महत्वपूर्ण योगदान गर्ने उनको भनाइ छ । नेपालमा बीवाइडीको व्यापार क्रमिक रुपमा विस्तार हुँदै जानेमा पनि उनले विश्वास व्यक्त गरे । विद्युतीय सवारीसाधनको प्रयोग गरेर इन्धनको खपतलाई घटाउनेकाममा योगदान गर्न पनि श्रेष्ठले आग्रह गरे ।

विश्व बजारमा लोकप्रिय मानिएको एटो ३ को मूल्य नेपालमा ८९ लाख ९० हजार तोकिएको छ । एटो ३ मा ५० किलोवाट र ६०।५ किलोवाट क्षमतायुक्त ब्याट्री रहेको छ । यसलाई एकपटक फुलचार्ज गर्दा ४ सय ५० किलोमिटर कुद्न सक्ने क्षमता रहेको छ । एटो ३ मा १२।८ इन्चको इन्फोटेन्मेन्ट सिस्टम जडित छ जुनमा एप्पल कार प्ले र एन्ड्रोइड सिस्टमको सुविधा उपलब्ध छ ।