मोबाइलबाटै अब सबै गन्तव्यको टिकट काट्न सकिने

मुख्य समाचार

गृहपृष्ठ
मुख्य समाचार

मोबाइलबाटै अब सबै गन्तव्यको टिकट काट्न सकिने

क्यापिटल नेपालशुक्रबार, भदौ ३१, २०७९

काठमाडौं । नेपालमा अनलाइनमार्फत बस टिकटिङ सेवा प्रदान गर्दै आएको बससेवा डटकमले दसैंका लागि अग्रिम टिकट बुकिङ सुरू गरेको छ । यात्रुहरूले नेपालका कुनै पनि गन्तव्यका टिकट आफ्नो मोबाइलमार्फत सहजै काट्न सकिनेछ ।

बुकिङ खुला भएसँगै यात्रुहरूले सहजै अनलाइनबाट दसैंको अग्रिम टिकट बुकिङ गर्न सक्नेछन् । साथै दसैंमा गएका यात्रुहरूले फर्कनका लागि पनि बससेवाबाटै टिकट काट्न सक्नेछन् । बससेवाबाट नेपालका अधिकांश रूटहरूका टिकट काट्न सकिन्छ ।

यात्रुहरूले बससेवा डटकम, तथा बससेवाको मोबाइल एप्लिकेसनबाट टिकट बुकिङ गर्न सक्नेछन् । यात्रुहरूले असोज १ गतेदेखि मोबाइलदेखि नै आफ्नो गन्तव्यको टिकट काट्न सक्ने कम्पनीले जनाएको छ ।

अनलाइन टिकट सुविधाबारे बससेवाका प्रमुख कार्यकारी अधिकृत पीआर खनालले भने, ‘हामीले विगतदेखि नै यात्रुहरुलाई सहज होस् भनेर अनलाइनबाट टिकट काट्ने व्यवस्था मिलाउँदै आएका थियौं, यस पटक हाम्रो सिस्टममा पर्याप्त टिकटको व्यवस्था भएकाले घरबाटै टिकट बुकिङ गरी सहज रुपमा यात्रा गर्नुहुन अनुरोध गर्दैछौं ।’

प्रकाशित मिति: शुक्रबार, भदौ ३१, २०७९ १७:२७

प्रतिक्रिया दिनुहोस्