‘यहि बर्ष स्थानिय तहका सम्पूर्ण वडामा ब्रोडब्याण्ड’

मुख्य समाचार

गृहपृष्ठ
मुख्य समाचार

‘यहि बर्ष स्थानिय तहका सम्पूर्ण वडामा ब्रोडब्याण्ड’

क्यापिटल नेपालशुक्रबार, असोज १०, २०७६

काठमाडौं । नेपालमा सरकारको डिजिटल नेपाल फ्रेमवर्कलाई साकार पार्न थ्री ए (पहुँच, उपलब्धता र क्रय शक्ति ) का आधारमा सञ्जालको विकास गर्नु पर्ने आईटी क्षेत्रका सरोकारवालाहरुले बताएका छन् । नेशनल इन्टरनेट गभर्नेन्स फोरम २०१९ को पहिलो सत्र ‘कनेक्टिङ अनकनेक्टेड’ मा बोल्दै सरोकारवालाहरुले यस्तो बताएका हुन् । उक्त सत्रमा पूर्वमन्त्री बिज्ञान मन्त्री गणेश शाहसँगै नेपाल दूरसञ्चार प्राधिकरणका प्रवक्ता मीन प्रसाद अर्याल, कम्प्युटर एशोसिएसन क्यान महासंघकी वरिष्ठ उपाध्यक्ष सुनैना घिमिरे पाण्डे, प्रविधि विज्ञ मनोहर भट्टाराई, गृहमन्त्रालयका प्रविधि विज्ञ सुवास ढकाललगायतले इन्टरनेटको सञ्जालका बिषयमा आ आफ्ना धारणा राखेका थिए ।

प्राधिकरणको ग्रामिण दूरसञ्चार विकास कोषमा धेरै पैसा रहेको र ब्याज कमाउनका लागि नभएर प्रविधि विकासका क्रममा वेवास्ता गरिएका समुदायमाथि प्रविधिको लगानीका लागि खर्च गरिनु पर्ने पुर्व मन्त्री शाहले बताए । उक्त सत्रमा क्यान महासंघकी वरिष्ठ उपाध्यक्ष सुनैना घिमिरे पाण्डेले नेपालमा ब्रोण्डब्याण्डको प्रयोगकर्ताको संख्या २ लाख २७ हजार सात सय ९७ रहेको बताईन् । र यो दर प्रत्येक महिना १५ हजार पाँच सयको दरले वृद्धि भइरहेको बताइन् । कम्पनी शहरी केन्द्रित भएको कारण ग्रामिण क्षेत्रमा इन्टरनेट प्रयोगको अधिकारलाई सुनिश्चित गर्न र आधार तयार पार्न आईटी बोर्डको आवश्यकतालाई रहेको उनको भनाई थियो ।

दूरसञ्चार प्राधिकरणका प्रवक्ता मीन प्रसाद अर्यालले यसै अािर्थक वर्षभित्र सम्पूर्ण विद्यालय, अस्पताल, स्थानीय तह तथा त्यसका सम्पूर्ण वडाहरुमा १२ सय केबिपिएसको ब्रोडब्याण्ड इन्टरनेट पुर्याउने बताएका छन् । साथै उनले ग्रामिण क्षेत्रमा क्रय शक्ति तथा भौगोलिक विकटताका कारण सरकारको डिजिटल नेपालको फ्रेमवर्कमा चुनौती रहेको बताएका छन् । यसले राज्यको लगानीलाई दिगो बनाउन नसक्ने उनको भनाई छ । यद्यपी ग्रामिण विकास कोषले त्यस्तो कार्यका लागि अनुदान दिईरहेको उनले बताए ।

यस्तै गृहमन्त्रालयका सूचना प्रविधि विभागका प्रमुख सुवास ढकालले प्रविधिको प्रयोग गरी फाइदा लिन सके मात्र त्यो कनेक्टिभीटि हुने बताए । तर यो विषयमा डिजिटल कन्टेन्टको अभाव, प्रविधि मैत्री क्षमताको अभाव, भाषागत समस्या तथा प्रविधिसँगै भित्रिने विभिन्न खतराको चुनौती रहेको बताएका छन् ।

प्रकाशित मिति: शुक्रबार, असोज १०, २०७६ १७:४७

प्रतिक्रिया दिनुहोस्