भायानेटले ल्यायो दसैं अफर, अल्ट्रा-फाई इन्टरनेट जोड्दा मेस राउटर पाउने

मुख्य समाचार

गृहपृष्ठ
मुख्य समाचार

भायानेटले ल्यायो दसैं अफर, अल्ट्रा-फाई इन्टरनेट जोड्दा मेस राउटर पाउने

क्यापिटल नेपालसोमबार, भदौ २७, २०७९

काठमाडौं । दसैंमा ग्राहकलाई थप सुविधा दिने उद्देश्यले भायानेटले एक अफर ल्याएको छ। यो अफरअन्तर्गत अब भायानेटको अल्ट्रा-फाई इन्टरनेट जोड्ने ग्राहकहरूले नोकिया बिकन १.१ मेस राउटर वा एमआई ४.ए डुअल ब्यान्ड राउटर आफ्नो इन्टरनेट सदस्यतामै प्राप्त गर्न सक्नेछन्।

यो दसैं भायानेटको अल्ट्रा-फाई २०० एमबीपीएस इन्टरनेटको वार्षिक प्लान मात्र ९ सय ९९ रूपैयाँ प्रतिमहिनामा पाउन सकिने कम्पनीले जनाएको छ । यो प्याकेजमा आउने डुअल ब्यान्ड ओएनयूसँगै अब ग्राहकहरूले नोकियाको बिकन १.१ मेस राउटर वा एमआई ४.ए डुअल ब्यान्ड राउटरमध्ये एक छानेर राख्न पाउनेछन्।

यो अतिरिक्त राउटर लिनका लागि ग्राहकले डिपोजिट शुल्क मात्र जम्मा गरे पुग्छ। कम्पनीका अनुसार ग्राहकले मेस राउटर लिनका लागि ४ हजार र एमआई ४.ए राउटरको लागि १ हजार ५ सय रूपैयाँ डिपोजिट गर्नुपर्नेछ। कम्पनीले आफ्ना ग्राहकहरूलाई सस्तोमा घरभरि वाइफाइको कभरेज बढाउन मद्दत गर्ने उद्देश्यले यो अफर ल्याएको हो।

साथै भायानेटले वार्षिक सदस्यतामा मात्र १ सय ५० रूपैयाँ प्रतिमहिनामा भायाटिभी पनि उपलब्ध गराएको छ। यसरी भायाटिभी लिँदा ग्राहकले पहिलो सेट-टप-बक्स मात्र ५ सय रूपैयाँ डिपोजिट गरी प्राप्त गर्न सक्नेछन्।

प्रकाशित मिति: सोमबार, भदौ २७, २०७९ १३:३८

प्रतिक्रिया दिनुहोस्