काठमाडौं । सामसङले 'सामसङ ग्यालेक्सी ए १३' लन्च गरेको छ । याे फाेन सामसङले कायम राखेको उच्च गुणस्तर र अत्याधुनिक प्रविधिको प्रयाेगमा बनेको छ । याे सामसङको ए सिरिज पोर्टफोलियोमा सबैभन्दा किफायती फोन हो।
कम्पनीका अनुसार क्वाड क्यामेरा सेटअप, लामो समयसम्म चल्ने ब्याट्री, ठूलो स्क्रिन र विस्तारित स्टोरेजको लागि स्पेस छ । आफ्नो फोन प्रयोग गरेर गुणस्तरीय कन्टेन्ट उत्पादन गर्न खोज्नेहरूका लागि यो फाेन उपयुत्त छ ।
सामसङ ग्यालेक्सी ए १३ ले हाइ–एन्ड सुविधाहरू जस्तै हाइ–रिजोल्युसन फोटोग्राफी, क्रिस्प डिस्प्ले र बलियाे प्रोसेसरसहितको फोन उचित मूल्यमा पाइन्छ ।
क्वाड क्यामेराको माथिल्लो भागमा ५० एमपि मेन क्यामेरा छ जसमा ५ एमपि अल्ट्रावाइड र २ एमपि डेप्थ र म्याक्रो सेन्सरहरू छन्, साथै अगाडि ८ एमपि सेन्सरहरू रहेकाे कम्पनीले जनाएकाे छ ।
यसको १५ वाड फास्ट चार्जिङ र ५ हजार मेघाहर्ज ब्याट्रीको साथ, ब्याट्री लाइफ एक वा दुई लामो रेकर्डिङ सेसन्सकाे लागि समस्या हुँदैन किनभने यस फोनमा ब्याट्रीहरू लामो समयसम्म टिक्न सक्छन्, सामान्यतया प्रयोग गर्दा दुई दिनसम्म ब्याट्री ब्याकअप प्रदान गर्छ ।
सामसङ ग्यालेक्सी ए १३ मा भएको स्टोरेजको विकल्पहरूले सामान्य रूपमा डेटा र कन्टेन्टलाई राम्रो ब्याकअप दिन्छ । मेमोरी कार्ड स्लटको समावेशको साथ यसको पहिले नै ठूलो आन्तरिक स्टोरेज क्षमता विस्तार गर्ने विकल्पको साथ, स्टोरेज स्पेसलाई १ टिबि सम्म विस्तार गर्न सक्ने, ए १३ एक उपयोगी डिभाइस हुन्छ । साथै, डिभाइसको र्यामलाई आवश्यक पर्दा ६ जीबीसम्म बढाउन सकिन्छ ।
सामसङ नेपालका निर्देशक प्रणयरत्न स्थापितले भने, 'सामसङ ग्यालेक्सीले युवा सिर्जनाकर्ताहरूका लागि एकदमै उपयुक्त छ जसले सामाजिक प्लेटफर्महरूमा सधैं आफ्नो र आफ्नो सीपको बारेमा अभिव्यक्ति दिन्छन्।'
उनका अनुसार गेमिङ जस्ता उच्च प्रदर्शन गतिविधिहरूको लागि सबैभन्दा धेर्रै आवश्यक परेको बेला र्यामलाई बढावा दिन र्याम प्लस जस्ता सुविधा छन् ।यसकाे मूल्य २१ हजार ४ सय ९९ तय गरिएकाे छ ।
-1732541848.jpg)
