काठमाडाैं । सौरभ ग्रुपअन्तर्गतको सर्वाेत्तम सिमेन्टले निर्माणका क्रममा घाइते भएका ठेकेदार ठाकुर सिंह गुरुङलाई दुर्घटना बिमा रकम हस्तान्तरण गरेको छ । किर्तिपुरको भैँसेबजारको एक निर्माणाधिन भवनको चौथो तल्लाबाट झरी गुरुङ गम्भीर घाइते भएका थिए ।
उपचारका क्रममा उनलाई सर्जरीलगायत स्टेनलेस स्टील इम्प्लान्टका साथ करिब २ महिनासम्मको पूर्ण रुपमा आराम आवश्यक रहेको बताइएको थियो । यसअघि नै उक्त ठेकेदारले सर्वाेत्तम सिमेन्टद्वारा आयोजना गरेको 'ठेकेदार भेटघाट कार्यक्रम' मा आफ्नो साइट रजिष्टर गराए बापत कम्पनीको तर्फबाट सो बिमा रकम प्रदान गरिएकाे हाे ।
भवन निर्माणका क्रममा ठेकेदार तथा अन्य निर्माणकर्मीहरुले उठाउने जोखिमलाई मध्यनजर गर्दै सर्वाेत्तम सिमेन्टले आफ्नाे साइट रजिष्टर गराएका ठेकेदारहरुका लागि सात लाख रूपैयाँसम्मको दुर्घटना बिमाको व्यवस्था ल्याएको थियो । यस बिमा सुविधाले निर्माणकर्मीहरुलाई निर्माण कार्यका क्रममा घाइते हुँदा लाग्ने उपचार खर्च तथा त्यसपछिको जीविकोपार्जनमा केही सहुलियत पुग्ने विश्वास कम्पनीले लिएको छ ।
निर्माणकर्मीहरुको सुरक्षा तथा सुस्वास्थय सुनिश्चित गर्नुका साथै कम्पनीका विभिन्न सामाजिक दायित्व पूरा गर्ने लक्ष्यअनुरुप सर्वाेत्तम सिमेन्टले यस्तो व्यवस्था ल्याएको हो ।
कम्पनीका ब्राण्ड म्यानेजर गोपाल सारदाका अनुसार सर्वाेत्तम सिमेन्ट अत्याधुनिक यूरोपियन भि.आर.एम.प्रविधिद्वारा सिमेन्ट उत्पादन गर्ने नेपालकै पहिलो सिमेन्ट उद्योग हो ।
तीन हजार मेट्रिक टन (एमटि) क्षमताको सिमेन्ट प्लान्ट तथा ३००० मेट्रिक टन (एमटि) क्षमताको क्लिंकर प्लान्टका साथ आइ.एस.ओ. ९००१ गुणस्तर प्रमाणित, १४००१ वातावरण–मैत्री प्रमाणित र नेपाल गुणस्तर प्रमाणित समेत भएको कम्पनीले ४३ ग्रेड र ५३ ग्रेडमा ग्रिन सर्वाेत्तम ओ.पि.सि र सौरभ ग्रिन पि.पि.सि नामक ब्राण्डका सिमेन्टहरु नेपालभर सर्वत्र बिक्रीवितरण गरिरहेको छ ।
उद्योगद्वारा उत्पादित सिमेन्टको मसिनोपन प्रतिग्राम ४५०० से.मि.२ सम्म रहेको छ । यति मात्र नभई आफ्नै इस्टिम इन्जिनबाट विद्युत उत्पादन गरी सिमेन्टको गुणस्तरमा एक रुपता प्रदान गर्न कम्पनीले नेपालमै पहिलो पटक एक्स–रे डिफ्राक्सन मेशिनको प्रयोग गर्दै आएको छ ।
आफ्नो स्थापनाको केही समयमा नै उत्कृष्ट उत्पादन तथा गुणस्तर पस्कँदै धेरैभन्दा धेरै सिमेन्ट उपभोक्ताको विश्वास जित्न सफल भएको छ । साथै देशका महत्वपूर्ण आधारस्तम्भहरु अनि ठूला–ठूला परियोजनाहरु तथा गौरवशाली आयोजनाहरु लगायत विशाल पूल, बाँध, हाइड्रोपावर, धावनमार्ग देखि हाउजिङ्ग कम्पनीहरुमा समेत सर्वाेत्तम सिमेन्ट पहिलो रोजाइमा पर्दै उपयोग हुँदै आएको छ ।
