नक्कली मदिरा बनाउने कारखानामा प्रहरीकाे छापा, सञ्चालकसहित ५ जना पक्राउ

उद्योग

गृहपृष्ठ
उद्योग

नक्कली मदिरा बनाउने कारखानामा प्रहरीकाे छापा, सञ्चालकसहित ५ जना पक्राउ

क्यापिटल नेपालबिहीबार, भदौ ९, २०७९

काठमाडौं । आयातित मदिरा ब्ल्याक, डबल ब्ल्याक लेबल र रेड लेबल डुब्लिकेट (नक्कली) बनाउने कारखानामा प्रहरीले छापा मारेको छ । भक्तपुरको दुवाकोटमा संचालित कारखानामा छापा मारेर ठूलाे परिमाणमा नक्कली मदिरा बरामद गरेकाे हाे ।

कारखानाबाट प्रहरीले ठूलो परिमाणमा ब्ल्याक, डबल ब्ल्याक लेबल, रेड लेबल, ज्याक डेनियल्स र नेपाली भोड्का बरामद गरेको जिल्ला प्रहरी परिसर काठमाडौंले जनाएको छ ।

दोलखाको भीमेश्वर घर भएका भगवान बस्नेतसहित दुई जनाले कारखाना चलाएका थिए ।

नक्कली मदिरा बनाएको कसुरमा संलग्न भगवान बस्नेत र हरि वली सहित पाँच जनालाई प्रहरीले पक्राउ गरेको छ । भगवान बस्नेत मुख्य संचालक हुन् भने दोलखाको कालिञ्चोक घर भएका वली वली विक्रेता हुन् ।

भक्तपुरको चाँगुनारायण नगरपालिका–२ स्थित घनश्याम मैनालीको घर भाडामा लिएर अरोपीहरुले नक्कली मदिरा तयार गर्ने गरेका थिए। वर्ल्ड दरबार नामको मदिरासँग पानी र केमिकल मिसाएर ब्ल्याक लेबल र डबल ब्ल्याक लेबल बनाउने गरेको प्रहरीको प्रारम्भिक अनुसन्धानबाट खुलेको छ ।

प्रकाशित मिति: बिहीबार, भदौ ९, २०७९ १७:४५

प्रतिक्रिया दिनुहोस्