काठमाडौं । ग्लोबल टेक्नोलोजी लिडर साओमीले अल्ट्रा स्लिम साओमी १२ लाइट नेपाली बजारमा ल्याएको छ । कम्पनीले कार्यक्रमकाे आयाेजना गरेर सेट लन्च गरेकाे हाे ।
सबै व्यक्तिलाई चाहनालाई मध्य नजर गरेर साओमी १२ लाइट डिजाइन गरिएको कम्पनीले जनाएको छ । कम्पनीका अनुसार यो फोन फ्यासनेबल हुनुका साथै सेट चलाउँदा आनन्द अनुभूति हुन्छ ।
फोन लन्च कार्यक्रममा बोल्दै साओमीका कन्ट्री जनरल म्यानेजर अमित पण्डाले भने ‘साओमीले नवीनतम प्रविधिमा अपडेट भइरहन रुचाउने ग्राहक वर्गलाई ध्यानमा राख्दै सुप्रिम पर्फर्मेन्स क्षमता भएका र आकर्षक डिजाइनका टप नच फोन सेटहरु समय–समयमा विकास गरिरहन्छ ।’
‘हामीले हाम्रो मोस्ट अवेटेड र फ्यासनेब्ली अपिलिङ स्मार्ट फोन साओमी १२ लाइट ल्याएका छौँ,’ उनले भने ‘यो फोनबाट उपभोक्ताहरुले फ्ल्यागशिप पर्फर्मेन्सको अभुतपुर्व अनुभव लिनुहुनेछ भन्ने कुरामा हामी पूर्ण विश्वस्त छौँ ।’
उनले थप भने ‘यसमा फ्ल्यागशिप डिजाइन त छ नै, साथै १०८ एमपिको मेन क्यामेरा, आठ एमपिको अल्ट्रा वाइड एङल क्यामेरा र २ एमपिको म्याक्रो क्यामेरा भएकाले उपभोक्ताहरुले लक्जरियस एक्स्पिरियन्स लिन सक्नुहुनेछ ।’
फ्यासन फर्वाड लाइफ स्टाइलको लागि स्लिक र रिफाइन्ड डिजाइन
७.२९ एमएमको मोटाइ र जम्मा १७३ ग्रामको फेदरवेट र अल्ट्रा स्लिम साओमी १२ लाइट हरियो, गुलाफी र कालो रंगहरुमा उपलब्ध छ।
प्रिमियम एस्थेटिकको लागि यसको पछाडि पट्टीको भागमा युनिफाइड म्याट कलर ग्रेडिएन्त फिनिश दिइएको छ । तीन वटा क्यामेराको वरिपरि भएको मेटल रिंगहरुले यो स्लिक र युनिक सेटलाई अझ लक्जरियस टच प्रदान गर्छन्।
कभर सट लिनको लागि स्टुडियो लेभलको क्यामेरा
यसमा भएको तीन–तीन वटा शक्तिशाली लेन्सहरुले जुनसुकै कोणबाट हाइ डेफिनिसन तस्बिर लिन सकिन्छ । त्यस्तै यसमा भएको मोसन क्याप्चर इनेबल गरेर आइ ट्र्याकिङ फोकसमा स्टाइलिश कभर शटहरु लिन सकिन्छ ।
त्यस्त, अगाडि भएको ३२ एपिको क्यामेरामा जडित जिडि २ सेन्सर र अटो फोकसले स्पष्ट र उच्च गुणस्तरीय सेल्फी खिच्न सकिन्छ । साथै, दुई वटा सफ्ट लिड सेल्फी ग्लोले प्रयोगकर्ताको प्राकृतिक सुन्दरतालाई राम्रोसँग कैद गर्छ।
१९ वटा टेम्पलेट सहितको भ्लग मोडबाट विभिन्न किसिमका भ्लगहरु तुरुन्तै बनाउन मिल्नुका साथै यसमा वान क्लिक एआइ र अन्य थुप्रै सिनेम्याटिक फिल्टरहरु पनि उपलब्ध छन् ।
६७ वाट टर्बो चार्जिङको साथ फ्ल्यागशिप–स्तर ५जि प्रदर्शन
साओमी १२ लाइट को स्न्याप ड्रागन® ७७८ जि चिपसेटले फ्ल्यागशिप लेभलको ५ जि पर्फर्मेन्स प्रदान गर्नुको साथै यसको मल्टी टायर कुलिङ सिस्टमले फोनलाई तातो हुनबाट बचाउँछ । त्यस्तै ४३००मेघाहर्जको ब्याट्रि भएको हुँदा दिनभरी चलाउँदा पनि ब्याट्रिको समस्या हुँदैन ।
त्यस्तै, ६७ वाटको टर्बो चार्जिङले १३ मिनेटमै ५० प्रतिशतसम्म ब्याट्रि चार्ज गर्न सक्छ । त्यस्तै, साओमीको अडाप्टिभ चार्ज एल्गोरिदमले प्रयोगकर्ताको नाइट टाइम चार्जिङ रुटिन अध्ययन गरेर चार्जिङ स्ट्राटेजी पनि अप्टिमाइज गर्छ।
हरेक दिन इमर्सिभ भ्यु र साउन्ड एक्स्पिरियन्स फस्ट क्लास इमर्सिभ भ्युइङ एक्स्पिरियन्सको लागि यसमा ६.५५ इन्चको एमोलेड डिस्प्ले राखिएको छ । जसमा एचडिआर १० प्लस र डल्बि भिजन दुई वटै छ ।
साथै, यसमा भएको ट्रुकलर डिस्प्ले, १२० हर्जको स्क्रिन रिफ्रेस रेट, २४० हर्जको टच स्याम्प्लिङ रेटले प्रयोगकर्तालाई अत्यन्तै स्मुथ अनुभव प्रदान गर्छन् । त्यस्तै, आँखामा पर्ने प्रेसर कम गर्न यसमा सन लाइट मोड ३.०, रिडिंग मोड ३.०र ट्रु डिस्प्ले राखिएको छ ।
साथै, डुअल स्टेरियो स्पिकर र डल्बि एट्मस स्पासियल अडियो टेक्नोलोजीले प्रयोगकर्तालाई इमर्सिभ साउन्ड एक्स्पिरियन्स प्रदान गर्छन् ।
कम्पनीका अनुसार ६ प्लस १२८ जिबीको मूल्य ५० हजार ९९९ रूपैयाँ र ८ प्लस १२८ जिबीको मूल्य ५३ हजार ९९९ तोकिएको छ । यी फोन सेटहरु नेपालको सम्पूर्ण आधिकरिक स्टोरहरुमा उपलब्ध हुनेछ ।
