बिहीबार नेप्से २७.७२ अंकले बढ्यो

मुख्य समाचार

गृहपृष्ठ
मुख्य समाचार

बिहीबार नेप्से २७.७२ अंकले बढ्यो

क्यापिटल नेपालबिहीबार, भदौ २, २०७९

काठमाडौं । साताको पाँचौं कारोबार दिन नेपाल स्टक एक्सचेन्ज ‘नेप्से’ उच्च अंकले बढेको छ । यस दिन नेप्से परिसूचक २७.७२ अंकले बढेर २ हजार ६८.२६ बिन्दुमा पुगेको छ ।

आज २ हजार ४१ बिन्दुमा खुलेको बजार करिब २७ अंकले बढेर साढे २ हजार बिन्दुमाथि उक्लिएको हो । बढेको बजारमा २ अर्ब बढीको कारोबार भएको छ । आज नेप्से उच्च बिन्दु २ हजार ७२ र न्यून २ हजार ४१ बिन्दु समातेको थियो ।

आज नेप्से परिसूचक कारोबार रकम पनि बढेको छ । नेप्सेमा २ अर्ब ५ करोड ७९ लाख रुपैयाँको कारोबार भएको छ । अघिल्लो कारोबार दिन नेप्सेमा १ अर्ब ४० करोडको कारोबार भएको थियो ।

आज नेप्सेमा २ सय २० कम्पनीको ५१ लाख १ हजार कित्ता सेयर खरिद बिक्री भएको छ । आज नेप्से कारोबारमा आएका २ सय २० कम्पनीमध्य १ सय ७१ कम्पनीको सेयर मूल्य बढेको छ भने १२ कम्पनीको सेयर मूल्यमा गिरावट आएको छ । त्यस्तै ३ कम्पनीको सेयर मूल्य भने स्थिर देखिएको छ ।

नेप्सेमा मन्दाकिनी हाइड्रोपावर र अपर सोलु हाइड्रो कम्पनीको सेयरमा सकारात्मक सर्किट लागेको छ । दुवै कम्पनीको सेयर मूल्य १० प्रतिशतले बढेको छ । त्यस्तै अपर हेवाखोला र श्वेतगंगा हाइड्रोपावरको सेयर मूल्य ९ प्रतिशत बढीका दरले बढेको छ ।

त्यस्तै, सपोर्ट माइक्रोफाइनान्सको सर्वाधिक ३.२८ प्रतिशतले सेयर मूल्य घटेको छ । आज नेप्सेमा रिडि हाइड्रोपावर कम्पनीको सर्वाधिक १० करोड ४३ लाख रुपैयाँको कारोबार गरेको छ । त्यस्तै, अपी हाइड्रोपावरको ७ करोड ८० लाख रुपैयाँ बराबरको कारोबार भएको छ ।

प्रकाशित मिति: बिहीबार, भदौ २, २०७९ १६:१५

प्रतिक्रिया दिनुहोस्