प्रहरीले समितिलाई बुझायो सीसीटीभी फुटेज रिकभर सम्बन्धी रिपोर्ट, भोलि खोलिने

मुख्य समाचार

गृहपृष्ठ
मुख्य समाचार

प्रहरीले समितिलाई बुझायो सीसीटीभी फुटेज रिकभर सम्बन्धी रिपोर्ट, भोलि खोलिने

क्यापिटल नेपालसोमबार, साउन ९, २०७९

काठमाडौं । नेपाल प्रहरीको केन्द्रीय प्रहरी विधि विज्ञान प्रयोगशालाले अर्थमन्त्रालयको सीसीटीभी फुटेज रिकभर सम्बन्धी रिपोर्ट संसदीय विशेष समितिलाई बुझाएको छ ।

प्रयोगशालाले सोमबार समितिलाई रिपोर्ट बुझाएको हाे । रिपाेर्ट सिलबन्दी गरिएकाे छ । प्रहरीको सिलबन्दी फरेन्सिक रिपोर्ट भोलि (मंगलबार) मात्र खोलिने समितिले जनाएकाे छ । छानबिन समितिकाअनुसार मंगलबार बिहान बस्ने बैठकमा समिति सदस्यहरुले सिलबन्दी तोडेर अध्ययन गर्नेछन् ।

बजेटमा करको दर हेरफेर गर्न अनधिकृत व्यक्तिलाई अर्थमन्त्रालय प्रवेश गराएको भनी उठेको प्रश्नबारे छानबिन गर्न गठित संसदीय विशेष छानबिन समितिले अर्थमन्त्रालयको सीसीटीभी फुटेज मगाएर अध्ययन गरेको थियो ।

अध्ययनका क्रममा जेठ १४ गते रातिको सीसीटीभी फुटेज नभेटिएपछि जानकारी माग्दा मन्त्रालयले सिस्टमअनुसार रहेको सीसीटीभी फुटेज पठाएको जवाफ दिएपछि छानबिन समितिले जेठ १४ गतेको फुटेज डिलिट भएको भनी रिकभर गर्न सिस्टम नै नेपाल प्रहरीको केन्द्रीय प्रहरी विधि विज्ञान प्रयोगशाला पठाएको थियो ।

प्रकाशित मिति: सोमबार, साउन ९, २०७९ २०:४८

प्रतिक्रिया दिनुहोस्