काठमाडौं । निम्बस ग्रुपको निम्बस इन्टरनेसनल कम्पनी प्राइभेटल लिमिटेडले ९ महिनामा ४ अर्ब १५ करोड ९० लाख रुपैयाँको व्यापार गरेको छ ।
कम्पनीले सन् २०२१ मा ७ अर्ब २२ करोड ३० लाख रुपैयाँको व्यापार गरेको थियो । यस्तै २०२० मा ५ अर्ब ९१ करोड ४० लाख, २०१९ मा ४ अर्ब ४८ करोड ६० लाख र सन् २०१८ मा कम्पनीले ३ अर्ब ६८ करोड १० लाख रुपैयाँको कारोबार गरेको सार्वजनिक गरिएको वित्तीय विवरणमा उल्लेख छ ।
पछिल्ला ३ वर्षमा कम्पनीको आम्दानी औसत २५ प्रतिशतले बढ्दै गएको देखिएको छ । यस्तै सन् २०२२ मा कारोबार १५ प्रतिशतले बढेको छ । कम्पनीको कारोबार तीनवटा व्यापारिक खण्डहरूमा रहेको छ । जस्तै, खाना, जनावरपोषणरफिड सप्लिमेन्टहरू र कृषिजन्य वस्तुहरुको कारोबार रहेको छ ।
ग्रुपले सन् २००० मा स्थापना गरेको निम्बस इन्टरनेसनलले विभिन्न खाद्यान्नको आयात गर्दै आएको छ । कम्पनीले फलफूल, कृषि इनपुट, र पशु आहार पूरकपोषक तत्वहरूको आयात गर्दै आएको छ ।
कम्पनीले विभिन्न देशका साथै स्थानीय कृषकहरूबाट खाद्यान्न र पशु आहार पूरक खरिद गर्छ । नेपालमा आफ्ना खरिद गरिएका केही वस्तुहरू आफ्ना डिलर र खुद्रा बिक्रेताहरूमार्फत सिधै बिक्री गर्छ ।
कम्पनीले इक्रा नेपाल लिमिटेडबाट २ अर्ब १० करोड रुपैयाँ कर्जाको रेटिङ गराएको छ । इक्राले इक्रा एनपी ए फोर रेटिङ दिएको छ । निम्बस ग्रुपका कारण कम्पनीको ट्रयाक रेकर्ड राम्रो रहेको इक्राले उल्लेख गरेको छ ।
कृषिमा आधारित उद्योगमा धेरै अन्तरसम्बन्धित इकाइहरू भएको निम्बस समूह स्थापना भएको हो । वर्षहरूमा आम्दानी बढ्दै गएको छ । बिक्री वृद्धि गति दिगो भएका कारण यसको मार्जिन, पुँजीकरणर कभरेज सूचकहरू र कार्यशील पुँजीचक्रको अवस्था राम्रो रहेको छ ।
कम्पनीमा आनन्द अग्रवाल (बगरिया) र श्री जगदीश अग्रवालको हातमा छ। श्री आनन्द अग्रवाल (बगरिया) को मात्र लगानी रहेको छ ।
-1732541848.jpg)
