धनुषा । धनुषामा आर्थिक वर्ष ०७७/०७८ मा एक हजार ९११ नयाँ उद्योग दर्ता भएका छन् ।
तीमध्ये सबैभन्दा बढी कृषि तथा वन्यजन्तुतर्फ एक हजार ९३, सेवा उद्योगतर्फ ५१०, उत्पादन उद्योगतर्फ १५८, पर्यटनतर्फ १४७ र सूचना तथा सञ्चारतर्फ तीनवटा रहेको घरेलु तथा साना उद्योग कार्यालय जनकपुरधाम धनुषाले जनाएको छ । यो संख्या आव ०७६/०७७ को भन्दा बढी हो ।
यस्तै, आव ०७८/०७९ मा नयाँ उद्योग र वाणिज्यतर्फ दर्ताबाट एक करोड ४० लाख ११ हजार ९ सय ५ रूपैयाँ राजस्व संकलन भएको जनाएको छ । योसँगै धनुषामा घरेलु तथा साना उद्योगको संख्या करिब २१ हजार पुगेको र वाणिज्यतर्फको संख्या करिब ३३ हजार पुगेको कार्यालयका प्रमुख देवकान्त झाले जानकारी दिए ।
यसअघि गत आव ०७७/०७८ मा उद्योगतर्फ एक हजार ८०४ र वाणिज्यतर्फ दुई हजार ६११ दर्ता भएको थियो । यसबाट दुई करोड ३८ लाख २० हजार ६०० रुपैयाँ राजस्व संकलन भएको थियो ।
यस्तै, आव ०७८/०७९ मा उद्योगतर्फ ६६ वटा र वाणिज्यतर्फका ११९ वटा घरेलु तथा साना उद्योगको लागत कट्टा गरिएको छ भने उद्योगतर्फ ५९८ वटा र वाणिज्यतर्फ एक हजार २५९ वटाको नवीकरण गरिएको सो कार्यालयले जनाएको छ । आव ०७८/०७९ मा नयाँ उद्योग दर्तापश्चात् धनुषामा १० हजार ४८९ पुरुष र ७९ महिला गरी १० हजार ५६८ ले रोजगारी पाएका छन् ।
पछिल्लो समय बैंक तथा वित्तीय संस्थाले घरेलु तथा साना उद्योमा सहजरुपले ऋण लगानी गर्न थालेका पछि कृषि तथा वन्यजन्य उद्योग खुल्ने क्रम बढेसँगै घरेलु तथा साना उद्योग दर्ता गराउने क्रममा वृद्धि भएको उनको भनाइ छ ।
-1732541848.jpg)
