सिभिल बैंकले ल्यायो दाेब्बर-तेब्बर भुक्तानी दिने मुद्दती याेजना

मुख्य समाचार

गृहपृष्ठ
मुख्य समाचार

सिभिल बैंकले ल्यायो दाेब्बर-तेब्बर भुक्तानी दिने मुद्दती याेजना

क्यापिटल नेपालबिहीबार, साउन ५, २०७९

काठमाडौं । सिभिल बैंकले दुई नयाँ आकर्षक मुद्दती योजनाहरू ‘दोब्बर प्लस र तेब्बर प्लस’ योजना ल्याएको छ ।

यी मुद्दती योजनाअन्तर्गत ग्राहकले आफ्नो कमाइलाई तोकिएको अवधिसम्म जम्मा गर्दा दोब्बर वा तेब्बर रकम एकमुष्ट रुपमा भुक्तानी प्राप्त गर्न सक्ने बैंकले जनाएकाे छ ।

मुद्दती योजनामा नेपालमै पहिलोपटक दस लाखसम्मको जीवन बिमा सुविधा (रिलायन्स लाइफ इन्स्योरेन्ससँगको सहकार्यमा) र दस लाखको दुर्घटना बिमा सुविधा (अजोड इन्स्योरेन्ससँगको सहकार्यमा) निःशुल्क रूपमा उपलब्ध गराइने भएको छ ।

६ वर्ष ३ महिना २४ दिनमा ग्राहकहरूले जम्मा गरेको मौज्दात रकमको दोब्बर भुक्तानी र १० वर्ष २ दिनमा जम्मा गरेको मौज्दात रकमको तेब्बर भुक्तानी एकमुष्ट प्राप्त गर्न सक्नेछन् ।

मुद्दती अवधिको बीचमा कुनै कारणवश रकम आवश्यक भएमा सञ्चित रकमको ९० प्रतिशतसम्म ऋण सुविधा पाइने छ ।

बैंकले बचतमा ८.०३ प्रतिशतसम्म र व्यक्तिगत मुद्दती निक्षेपमा १२.०३ प्रतिशतसम्मको ब्याजदर प्रदान गर्दै आइरहेको छ ।

बैकले ११५ शाखा, १३ एक्सटेन्सन काउन्टर र ९९ एटिएममार्फत सेवा प्रदान गरिरहेको छ ।

साथै बैंकले गत आषाढ मसान्तसम्म ९६ अर्बभन्दा बढी निक्षेप परिचालन गरी ८७ अर्ब भन्दा बढी कर्जा लगानी गरिसकेकोे छ ।

प्रकाशित मिति: बिहीबार, साउन ५, २०७९ १४:०२

प्रतिक्रिया दिनुहोस्