काठमाडौं । मन्त्रिपरिषद्को शुक्रबार बसेको बैठकले पेट्रोलियम पदार्थको खपत कम गर्न विद्युतीय गाडीलाई थप छुट दिनेलगायत विकल्प प्रयोग गर्नेसहितका ११ निर्णय गरेको छ।
यसअघि निवर्तमान अर्थमन्त्री जनार्दन शर्माले बजेटमार्फत सीमित घरानालाई मात्रै लाभ हुने गरी निश्चित क्षमताका विद्युतीय गाडीलाई मात्र छुट दिने घोषणा गरेका थिए । जसको निजी क्षेत्रले कडा आलोचना गरेको थियो ।
मन्त्रिपरिषद्को बैठकले गरेका ११ निर्णय यस्ता छन् ।
१. सुशासन विधेयक पारित गर्ने, सुशासन आयोग गठन गर्ने।
२. पेट्रोलियम पदार्थमा करबापत मूल्य समायोजन भएको रकम उद्योग, वाणिज्य तथा आपूर्ति मन्त्रालयमार्फत नेपाल आयल निगमलाई उपलब्ध गराउने।
३. विश्वव्यापी व्यापारका लागि सहायता पुनरावलोकन कार्यक्रममा नेपाल सहभागी हुने ।
४. नेपाल–तिब्बत व्यापार सहजीकरण समितिको बैठकमा नेपाल सहभागी हुने ।
५. पेट्रोलियम पदार्थको खपत कम गर्न विद्युतीय गाडीलाई छुट दिनेलगायत विकल्प प्रयोग गर्ने ।
६. नेपाली इँटा व्यवसायीको दुईपक्षीय परामर्श संयन्त्र स्थापित गर्ने ।
७. नेपाल–चीन सीमा मामिला परामर्श बैठक सञ्चालन गर्ने ।
८. नेपाल र मोरक्कोको दुईपक्षीय सम्बन्धका विषयमा परामर्श गर्ने ।
९. राष्ट्रिय खेलकुद विकास नियमावली, २०७९ स्वीकृत गर्ने ।
१०. श्रम, रोजगार तथा सामाजिक सुरक्षा मन्त्रालयको बाधा, अड्चन फुकाउने ।
११. सत्यनिरुपण तथा मेलमिलाप आयोग र बेपत्ता पारिएका व्यक्तिहरूको छानबिन आयोगको म्याद तीन महिनाका लागि थप्ने ।
-1732511127.png)
-1717671934-1731048159.jpg)
