जब उडिरहेको जहाजमा एक यात्रुले चुरोट खाए...

मुख्य समाचार

गृहपृष्ठ
मुख्य समाचार

जब उडिरहेको जहाजमा एक यात्रुले चुरोट खाए...

क्यापिटल नेपालबुधबार, असार २९, २०७९

काठमाडौं । विभिन्न समयमा जहाजहरुमा अचम्मका घटनाहरु घट्ने गरेको छ । कहिले टिकट र राहदानी विनै जहाजसम्म पुगेको घटना होस या कहिले एउटा गन्तव्यमा जानुपर्ने यात्रु अर्कै गन्तव्यमा पुगेका घटनाहरु पनि हुने गरेको छ ।

यसैबीच बुधबार काठमाडौंबाट धनगढी उडेको बुद्ध एयरको जहाजमा एक यात्रुले चुरोट तानेको घटना सार्वजनिक भएको छ ।

बुद्ध एयरका सूचना अधिकृत दीपेन्द्र कर्णले उडान नं २५३ बाट अपरान्ह धनगढी उडेको जहाजको सीट नं ११ एमा बसेका एक यात्रुले शौचालय छिरेर चुरोट तानेको जानकारी दिए ।

अहिले आन्तरिक उडानमा रहेका जहाजहरुमा अत्यावश्यक बाहेक अन्य यात्रुहरुले सौचालय प्रयोग गर्न पाउँदैनन् । यती हुँदाहुँदैपनि बुद्ध एयरका ती यात्रुले भने सौचालयमा गएर चुरोट सल्काएर बाहिर निस्किएका थिए ।

त्यसपछि उनलाई उडानमा खटिएका कर्मचारीले उडान अवधिभर निगरानीमा राखेका थिए ।धनगढी अवतरण भइसकेपछि उनलाई धनगढी प्रहरीको जिम्मा लगाइएको कर्णले जानकारी दिए ।

जिल्ला प्रहरी कार्यालय कैलाली टीकापुर नगरपालिकाका अन्दाजी २८ वर्षीय नारायण उपाध्यायलाई पक्राउ गरि अनुसन्धान भइरहेको जनाएको छ ।जहाजमा सलाई, लाइटरसहितका प्रज्वलनशील वस्तु साथमा लैजान पाइँदैन । साथै चुरोट तान्न निषेध गरिएको छ ।

प्रकाशित मिति: बुधबार, असार २९, २०७९ २१:०२

प्रतिक्रिया दिनुहोस्