एजेन्सी । भारतको ठूलो मोटर कम्पनी मध्ये एक महिन्द्रा एण्ड महिन्द्रा लिमिटेडले विद्युतीय गाडी (ईभी) को बजार हिस्सा बढाउन नयाँ योजना ल्याएको छ । आर्थिक वर्ष २०२७ सम्म (५ वर्ष) को अवधिमा २ लाख विद्युतीय सवारी साधन बिक्री गर्ने महिन्द्राले लक्ष्य राखेको छ ।
विद्युतीय गाडी उत्पादन तथा व्यवसाय विस्तारमा कम्पनीले १ अर्ब डलर भन्दा बढी लगानी गर्ने भएको छ । महिन्द्राले आगामी ५ वर्षमा ५ वटा विद्युतीय सवारी साधनको पोर्टफोलियो बनाउने योजना सार्वजनिक गरेको छ । महिन्द्रा एण्ड महिन्द्राका कार्यकारी निर्देशक राजेश जेजुरीकरले कम्पनीले आफ्नो भोल्युमको २० देखि ३० प्रतिशतसम्म आम्दानी विद्युतीय गाडीबाट हुने अपेक्षा गरेको बताए ।
बिहीबार ब्रिटिस इन्टरनेशनल इन्भेष्टमेन्ट (बीआईआई) बाट २५ करोड डलर लगानी जुटाएको छ । ‘हामी धेरै विश्वस्त छौं । आगामी दिनमा बजार हिस्सा बढाउने छौं । यो सुरूवात बिन्दु हो, हामी उच्च मूल्याँकनका साथ भविष्यमा थप लगानी ल्याउनेछौं’ महिन्द्रा एण्ड महिन्द्राका प्रवन्ध सञ्चालक (एमडी) अनिश साहले भने ।
कम्पनीले अगस्ट १५ मा बेलायतको अक्सफोर्डशायरमा आफ्नो ईभी भिजन अनावरण गर्ने योजना बनाएको छ । सेप्टेम्बर २०२२ मा एक्सयूभी ४०० को अनावरणसँगै यो नयाँ यात्रा सुरु गर्ने भएको छ।
लगानीकर्ताले अनिवार्य रूपमा परिवर्तनीय उपकरणको रूपमा पैसा लगानी गर्नेछ । जसको परिणाम ईभी कम्पनीमा २.७५ देखि ४.७६ प्रतिशत स्वामित्व हुने छ ।
महिन्द्रा र बीआईएलले अन्य समान विचारधारा भएका लगानीकर्ताहरूलाई ईभी कम्पनीमा चरणबद्ध रूपमा कोषको आवश्यकता पूरा गर्न संयुक्त रूपमा काम गर्नेछन् ।
बीआईआईको लगानी भारतको महिन्द्राद्वारा सेवा प्रदान गर्ने अन्य बजारहरूमा विद्युतीय सवारी साधनहरूको उपलब्धता र अवलम्बनलाई उल्लेखनीय रूपमा गति दिन डिजाइन गरिएको हो ।
ईभी कम्पनीले महिन्द्राको आपूर्तिकर्ता, डिलर र फाइनान्सरहरूको इकोसिस्टमसँगै फराकिलो उत्पादन क्षमताहरू, उत्पादन विकास र डिजाइन संगठनहरूलाई महत्वपूर्ण रूपमा लाभ उठाउने छन् ।टाटालगायत ठूला कम्पनीहरुले धमाधम ईभीको उत्पादन थालेपछि महिन्द्राले पनि बजार हिस्सा बढाउन लागेको हो ।
-1732511127.png)
-1717671934-1731048159.jpg)
