काठमाडाैं । नेपाली बजारमा चेरीको नयाँ एसयुभी टिग्गो ८ प्रो सार्वजनिक भएको छ। नेपालका लागि चेरी ब्रान्डको आधिकारिक वितरक सारडा ग्रुपअन्तर्गतको एसपीजी अटोमोबाइलस्ले चेरी टिग्गो ८ प्रो सार्वजनिक गरेको हो।
टिग्गो ८ प्रो एसयूभीमा १.६ लिटरको टर्बौ चार्ज्ड ग्यासोलिन डिरेक्ट इन्जेक्सन पेट्रोल इन्जिन जडित छ भने युरो ६ मापदण्डमा आधारित छ। १५९८ सीसी इन्जिन जडित यो गाडीले अधिकतम १४५ किलोवाट पावर र २९० एनएम टर्क जेनेरेट गर्छ।
७ सिटर यो गाडीको लम्बाई ४७२२ एमएम, चौडाई १८६० र उचाई १७४५ एमएम छ। गाडीलाई पारिवारिक रूपमा डिजाइन गरिएको छ भने बाहिरी र भित्री डिजाइनिङमा पनि कम्पनीले विशेष ध्यान पुर्याएको छ। टिग्गो ९ प्रोमा १९६ एमएम ग्राउन्ड क्लियरेन्स छ। जसले गर्दा गाडीलाई जस्तोसुकै बाटोमा सहजै चलाउन सकिन्छ।
गाडीको भित्र १२।३ इन्चको टचस्क्रिन फ्लोटिङ इन्फोटेन्मेन्ट डिस्प्ले, ९ इन्चको इन्टुमेन्ट डिस्प्ले र ८ इन्चको टचस्क्रिन एसी कन्ट्रोल डिस्प्लेसहित ड्यासबोर्ड छ। यसमा पार्किङ ब्रेक पनि विद्युतीय छ।
सुरक्षाको हिसाबमा पनि गाडी निकै सुरक्षित रहेको कम्पनीको दाबी छ। यसमा ६ वटा एयरब्याग, एबीएस, इबीडी, हिल असिस्ट कन्ट्रोल, ३६० डिग्री क्यामेरालगायत विशेषताहरू छन्।
नेपाली बजारमा चेरी टिग्गो ८ प्रो कालो, निलो, खाकी, ग्रे, पर्पल ९बैजनी रंग० र रातो गरी विभिन्न ८ रंग विकल्पमा उपलब्ध छ। कम्पनीले यसको सुरुवाती बजार मूल्य ९९ लाख ५० हजार रूपैयाँ तोकेको छ।
-1732511127.png)
-1717671934-1731048159.jpg)
