एजेन्सी । भारतले पेट्रोलियम रिफाइनरी कम्पनी रोजनेफ्टबाट रूसी तेल आयात बढाउन लागेको छ । तेल आयात अझ बढाउन भारतले रोजनेफ्टसँग वार्ता गरिरहेको छ ।
युक्रेनमाथिको आक्रमणलाई लिएर मस्कोमाथि पश्चिमा देशहरुले नाकाबन्दी लगाएका बेला भारतले त्यहाँको सरकार स्वामित्वमा रहेका रोजनेफ्ट रिफाइनर्ससँग किनेर रूसी तेलको आयातलाई दोब्बर पार्न खोजिरहेको छ ।
राज्य प्रोसेसरहरूले सामूहिक रूपमा भारतलाई रूसी कच्चा तेलको लागि थप छ महिना आपूर्ति सम्झौतालाई अन्तिम रूप दिने काम गरिरहेका छन् ।
रोजनेफ्टबाट डेलिभरको आधारमा कार्गोहरू खोजिएको छ । तेल खरिद परिमाण र मूल्यको विषयमा अहिले वार्ता जारी छ । तेलको सबै कार्गोमा भारतीय बैंकहरुले पूरै लगानी गर्न तयार भएका छन् । भारतीय रिफाइनरहरूले रोजनेफ्ट रूसी कम्पनीहरूबाट सीधै कच्चा तेल खरिद गर्नेछन् । सम्झौता भएमा इन्डियन आयल कर्पोरेसन, हिन्दुस्तान पेट्रोलियम र भारत पेट्रोलियममा रोजनेफ्टबाट कच्चा तेल खरिद गर्नेछन् ।
यस्तै निजी क्षेत्रको रिलायन्स इन्डस्ट्रिजले पनि सोही कम्पनीबाट कच्चा तेल किन्ने भएको छ । रुसी कच्चा तेल अभूतपूर्व मात्रा भारत र चीनतर्फ निर्यात भइरहेको छ ।
युरोपेली मुलुकहरुले रुसको विकल्पमा संयुक्त अरब इमिरेट्ससम्म पुगेका थिए । रसियाले युक्रेनमा आक्रमण गरेपछि फेब्रुअरी अन्त्यदेखि विश्वव्यापी तेलको प्रवाहमा कमी हुँदा अन्तर्राष्ट्रिय बजारमा कच्चा तेलको मूल्य २० प्रतिशतले बढेको छ ।
भारतले फेब्रुअरीको अन्त्य र मेको सुरुको बीचमा ४ करोड ब्यारेलभन्दा बढी रूसी तेल खरिद गरेको छ । जुन सन् २०२१ को तुलनामा करिब २० प्रतिशत बढी हुन आउँछ ।
ब्लुमबर्गको ट्रेड डाटामा आधारित गणनाअनुसार मे महिनामा भारतमा रुसी तेलको प्रतिदिन ७ लाख ४० हजार ब्यारेल आयात भएको थियो, जुन अप्रिलमा २ लाख ८४ हजार ब्यारेल र अघिल्लो वर्ष ३४ हजार ब्यारेल रहेको तथ्यांकले देखाएको छ ।
खाद्यान्नदेखि इन्धनसम्मका सबै वस्तुको मूल्य वृद्धिसँगै मुद्रास्फीति गगनचुम्बी हुँदा ८५ प्रतिशतभन्दा बढी रूसी तेल आयातले केही राहत दिएको छ । तेल मन्त्रालयको तथ्यांकअनुसार सस्तो कच्चा तेलको पहुँचले पहिले नै भारतको तेल आयातलाई बढावा दिइरहेको छ, जुन गत वर्षको अप्रिलमा लगभग १६ प्रतिशतले बढेको थियो ।
अप्रिलमा १०.६ प्रतिशतमा बढेको छ जुन अघिल्लो वर्ष ३.३ प्रतिशत थियो ।
-1732541848.jpg)
