एजेन्सी । विश्वका सर्वाधिक टप–१० धनीमध्ये लामो समय पाँचौं स्थानमा रहेका गौतम अडानीको सम्पत्तिमा लगातार गिरावट आइरहेको छ । जसले गर्दा उनी दुई स्थान उकालो चढेर सातौं नम्बरमा पुगेका छन् ।
साथै उनका दुई कम्पनीको मार्केट क्याप झरेर १ लाख करोड भारुभन्दा तल पुगेको छ ।
यस वर्ष राम्रो कमाइ गरी विश्वका धनीहरुलाई उछिनेका भारतीय उद्योगी अडानीलाई अहिले एकपछि अर्को झट्का लागिरहेको छ । कम्पनीको सेयरमा लागेको लगातारको लो–सर्किटले सम्पत्तिको भ्यालु कम गरिदिएको छ ।
नेटवर्थमा गिरावट
बिलिनिय इन्डेक्सका अनुसार अडानीको नेटवर्थमा पछिल्लो २४ घण्टामा मात्रै ६ अर्ब डलरले कमी आएको छ । साथै घटेर १०२ अर्ब डलर पुगेको छ ।
एक महिनामा घट्यो मार्केट क्याप
एक रिपोर्टका अनुसार हालसालै सेयर बजारमा बिक्री भएको अडानी समूहको एडिबल आयल कम्पनी अडानी भिल्मर र अडानी पावरको मार्केट क्याप १ लाख करोड भारुभन्दा तल झरेको छ । तथ्यांकअनुसार अडानी पावर बजारको पुँजीमा गिरावट आई ९३ हजार ५५० करोड भारु रह्यो । जबकि अडानी भिल्मरको बजारपुँजी ७५ हजार ६१५ करोड भारुसम्म झर्यो ।
अम्बानी ११ नम्बरमा
टप–१० को सूचीमा लामो समय अडानी र रिलायन्स इन्डस्ट्रिजका चेयरमेन मुकेश अम्बानीले कब्जा जमाएका थिए । तर, शुक्रबारको गिरावटले अम्बानी यो सूचीबाट बाहिरिएका छन् । उनको सम्पत्तिमा १.८७ अर्ब डलरले घटेको छ । गिरावटपछि अम्बानीको नेटवर्थ ८७.७ अर्ब डलर पुगेको छ ।
अन्य धनाढ्यहरुको कुरा गर्दा, एलन मस्कले २१५ अर्ब डलरको नेटवर्थसहित पहिलो स्थान जमाएका छन् । जेफ बेजोस १३१ अर्ब डलरसहित दोस्रो, बर्नार्ड अर्नाल्ट १२२ अर्ब डलरसहित तेस्रो स्थानमा छन् ।
यस्तै बिल गेट्स पनि लामो समय टप–१० को चौथो नम्बरमा छन् । उनको कुल नेटवर्थ ११७ अर्ब डलर छ । सेयरका बादशाह भनिने वारेन बफेट ११२ अर्ब डलरसहित पाचौं, लेरी पेज १०२ अर्ब डलरसहित छैटौं, सग्रेई बिन ९८.३ अर्ब डलर नेटवर्थसहित आठौं नम्बरमा छन् ।
यसबाहेक स्टिभ वाल्मर ९०.५ अर्ब डलरसहित नवौं र लेरि एलिसन ८८ अर्ब डलरसहित सूचीको दसौं नम्बरमा छन् ।
यता फेसबुकका संस्थापक मार्क जुकरबर्गको सम्पत्तिमा ठूलो गिरावट आएको छ । जसले उनलाई तेह्रौं नम्बरमा धकेलिदिएको छ ।
-1732541848.jpg)
