बिचाैलियाकाे चलखेलबाट एमडी नियुक्ति गरिए जस्ताेसुकै कदम पनि चाल्ने युनियनकाे चेतावनी

मुख्य समाचार

गृहपृष्ठ
मुख्य समाचार

बिचाैलियाकाे चलखेलबाट एमडी नियुक्ति गरिए जस्ताेसुकै कदम पनि चाल्ने युनियनकाे चेतावनी

क्यापिटल नेपालसोमबार, चैत २१, २०७८

काठमाडौं । नेपाल टेलिकम वर्कस युनियनले टेलिकममा बिनाप्रतिस्पर्धा एमडी नियुक्ति हुँदा बिचौलियाको चलखेल बढ्ने भन्दै सरकारको ध्यानाकर्षण गराएको छ ।

आज एक विज्ञप्ति जारी गर्दै युनियनले सरकार परिवर्तन भएसँगै प्रबन्ध निर्देशकसमेत परिवर्तन भइरहने प्रवृत्तिको अन्त्य गर्नुपर्ने भनेको छ । साथै कम्पनीमा स्थायित्व कायम गरी व्यावसायिक रुपमा अघि बढाउन व्यवस्थापन, क्रियाशील युनियनहरु र मन्त्रालयबीच २०७१ आश्विन १० गते सहमति भई ूनेपाल दूरसञ्चार कम्पनी लिमिटेडको प्रबन्ध निर्देशकको नियुक्ति र सेवा सुविधासम्बन्धी निर्देशिका २०७२ जारी भई सोही निर्देशिका बमोजिम कम्पनीमा दूरसञ्चार क्षेत्रमा लामो समय सेवा गरी अनुभव र विज्ञता हासिल गरेको व्यक्ति नै नेपाल टेलिकममा प्रबन्ध निर्देशक नियुक्ति हुँदै आएको व्यहोरा स्मरण गराउन चाहेको छ ।

वर्तमान प्रतिस्पर्धात्मक बजारमा कम्पनीलाई अघि बढाउन नेतृत्वदायी भूमिकामा रहेको प्रबन्ध निर्देशकजस्तो गरिमामय पदको नियुक्तिसम्बन्धी कार्यविधिमा शैक्षिक योग्यता, सेवा अवधि, उमेरहद, कार्यअनुभवलगायत विषय स्वार्थ केन्द्रित भएर पटकपटक, परिवर्तन गरिनु र मिति २०७८÷१२÷१७ गतेको सूचना तथा सञ्चार प्रविधि मन्त्रालयको सूचनामा प्रकाशित नामावली हेर्दा मिलिभगतका साथ नेपाली जनताको नासो र सम्पत्तिमाथि धावा बोल्न खोजेको उल्लेख छ ।

‘टेलिकमको प्रबन्ध निर्देशक कुनै शक्ति केन्द्रको निर्देशन वा प्रभावमा नपरी कम्पनीमा लामो समय सेवा गरेर दूरसञ्चार क्षेत्रमा विशेषज्ञता हासिल गर्दै संस्थाको विकास र विस्तारमा संलग्न रही हरेक प्रकारका समस्याहरु बुझी समाधानका उपायहरु अवलम्बन गरेका वरिष्ठ व्यक्ति नै उपयुक्त हुने भएकाले सोही अनुरुप प्रवन्ध निर्देशक नियुक्तिको लागि हामी जोडदार माग गर्दछौं’, विज्ञप्तिमा भनिएको छ, ‘कम्पनी र राज्यको अहित हुने गरी गरिने कुनै पनि क्रियाकलापविरुद्ध सचेत रहँदै जस्तोसुकै कदम चाल्न यस युनियन तयार रहेको उद्घोष गर्दछौं ।’

प्रकाशित मिति: सोमबार, चैत २१, २०७८ १७:०२

प्रतिक्रिया दिनुहोस्