काठमाडाैं । पछिल्लाे २४ घण्टामा थप २२ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ३ हजार ८३५ जनामा परीक्षण गर्दा २२ जनामा संक्रमण पुष्टि भएकाे हाे ।
यस्तै सक्रिय संक्रमितको संख्या १ हजार २२ रहेकाे छ भने ७५ जना संक्रमणमुक्त भएका छन् ।
योसँगै संक्रमणमुक्त हुनेको संख्या ९ लाख ६५ हजार ४६९ पुगेको छ ।
हाल होम आइसोलेसनमा ९७१, संस्थागत आइसोलेसनमा ५१, आइसियुमा १३ र भेन्टिलेटरमा ३ जनाको उपचार हुँदैछ ।
यस्तै संखुवासभा, सोलुखुम्बु, भोजपुर, चितवन, नुवाकोट, दोलखा, मनाङ, मुस्ताङ, पूर्व रुकुम, सल्यान, जाजरकोट, जुम्ला, डोल्पा, बाजुरा र हुम्ला शून्य संक्रमण जिल्ला रहेका छन् ।
